महत्वाच्या बातम्या

जाजावंडी जि. प. शाळेत प्रवेशोत्सव साजरा

- मोहितकुमार आणि मित्रमंडळ नवी दिल्ली तर्फे १३० विध्यार्थ्यांना टोप्या व कंपासपेटी भेट

विदर्भ न्यूज एक्सप्रेस

तालुका प्रतिनिधी / चामोर्शी : ३० जून पासून विदर्भातील सर्व शाळा सुरू झाल्या असून महाराष्ट्र शासनाने सर्व शाळांमध्ये प्रवेशोत्सव व नवागतांचा स्वागत कार्यक्रम आयोजित करून दाखल पात्र विद्यार्थ्यांना शाळेत प्रवेश करून घेण्याचे सुचविले आहे. पंचायत समिती एटापल्ली अंतर्गत येणाऱ्या जि. प. शाळा जाजावंडी येथे दरवर्षी प्रमाणे याही वर्षी एक आगळा वेगळा कार्यक्रम आयोजित करून शाळा प्रवेशोत्सव जल्लोषात साजरा करण्यात आला.

ढोल ताशांच्या गजरात प्रभातफेरी काढून विद्यार्थ्यांच्या घरोघरी जाऊन विद्यार्थ्यांना पुष्पगुच्छ देऊन सन्मानित करण्यात आले. मोहितकुमार आणि मित्र मंडळ नवी दिल्ली यांच्याकडून देणगीच्या रूपाने मिळालेल्या टोप्या व कंपासपेटी देऊन नवागतांना शाळेत दाखल करण्यात आले. शाळेच्या पहिल्याच दिवशी विद्यार्थ्यांना टोप्या व कंपासपेटी मिळाल्याने विद्यार्थ्यांच्या आनंद द्विगुणित झाल्याचे दिसून आले.

शाळा व्यवस्थापन समितीचे अध्यक्ष लालू लेकामी, शाळेचे मुख्याध्यापक एम.सी. बेडके यांनी मोहितकुमार व नवी दिल्ली मित्रमंडळाचे आभार मानले.

कार्यक्रमाला गावातील प्रतिष्ठित नागरिक व शिक्षक वृंद उपस्थित होते.