मुलचेरा तालुक्यातील कांचनपूर- बोलेपल्ली जंगलात अनैतिक संबंधाच्या संशयावरून पतीने केली पत्नीची हत्या


विदर्भ न्यूज एक्सप्रेस 
तालुका  प्रतिनिधी /  मुलचेरा 
:  अनैतिक सबंधाच्या संशयावरून पतीने आपल्या पत्नीची डोक्यावर कुऱ्हाडीने  वार करून हत्या केल्याची घटना आज १७ मार्च रोजी  सकाळच्या सुमारास  अहेरी पोलीस ठाण्यांतर्गत येणाऱ्या मुलचेरा तालुक्यातील कांचनपूर- बोलेपल्ली जंगलात  घडली.अहेरी पोलीसांनी आरोपीला अटक केली आहे.
 रूचित्रा सदानंदन रॉय (४५)  असे मृतक पत्नीचे नाव असून  सदानंद मनोरंजन रॉय (५८) रा.कांचपूर असे आरोपी पतीने नाव आहे.  प्राप्त माहितीनुसार सदानंद हा आपल्या पत्नीसमवेत जळावू लाकडे आणण्यासाठी  बैलबंडीने गेला होता. जंगलात गेल्यानंतर पती-पत्नी मध्ये भांडण झाले. सदानंद याने रागाच्या भरात पत्नीच्या डोक्यावर कुऱ्हाडीने  जबर वार केला. यामुळे तिचा जागीच मृत्यू झाला. मृतक महिलेच्या मुलाने घटनेची माहिती पोलीसांना दिली.  पोलीसांनी घटनास्थळ गाठून पंचनामा केला. आरोपी सदानंदला पोलीसांनी अटक केली आहे. अधिक तपास अहेरी पोलीस करीत आहेत.



  Print






News - Gadchiroli | Posted : 2019-03-17






Related Photos