चंद्रपूर पोलिसांची कुंटनखाण्यावर धाड, १० महिलांची सुटका


विदर्भ न्यूज एक्सप्रेस
प्रतिनिधी / भामरागड :
शहरातील गौतम नगर स्थित एका घरात सुरू असलेल्या कुंटनखाण्यावर पोलिसांनी धाड टाकून १० महिलांची सुखरूप सुटका केली आहे. सदर घटना काल १४ मार्च रोजी घडली आहे. ही कारवाई स्थानिक गुन्हे शाखेच्या पथकाने केली आहे. याप्रकरणी एका महिलेला अटक करण्यात आली आहे. 
स्थानिक गुन्हे शाखेच्या पथकास मिळालेल्या गोपनिय माहितीच्या आधारे काल १४ मार्च रोजी दुपारी गौतम नगर मधील एका घरात धाड टाकण्यात आली. काही अल्पवयीन मुलींकडून देहव्यापार करवून घेतल्या जात असल्याचे पोलिसांना कळले होते. तात्काळ गुन्हे शाखेचे एक पथक व फ्रिडम फर्म या सामाजिक संस्थेच्या सदस्यांनी परिसर गाठले. यावेळी एक पंटर पाठवून शहनिशा करण्यात आली. यानंतर पोलिसांनी धाड टाकली. कुंटनखाण्यावर एकूण १० महिला आढळून आल्या. या महिलांची आर्थिक परिस्थिती खराब असल्याचे त्यांना पैशांचे प्रलोभन देवून देहव्यापारात अडकविण्यात आले होते. सर्व महिलांना सुधारहगृहात रवाना करण्यात आले असून एका महिलेस पोलिसांनी ताब्यात घेतले आहे.
सदर कारवाई पोलिस अधीक्षक महेश्वर रेड्डी यांच्या मार्गदर्शनात स्थानिक गुन्हे शाखेचे पोलिस निरीक्षक ओमप्रकाश कोकाटे यांच्या नेतृत्वात पोलिस उपनिरीक्षक जावेद शेख, सहाय्यक फौजदार पंडीत, नापोशि मनोज नईम, जमीर, गजानन, पोलिस शिपाई रविंद्र, जावेद, महिला पोलिस शिपाई भारती, सोनाली, सिमा, अपर्णा यांनी केली आहे.

 



  Print






News - Chandrapur | Posted : 2019-03-15






Related Photos