२ जुलै २०२३ रोजी अहमदनगर येथे महाराष्ट्र राज्य प्राथमिक शिक्षक संघाची महामंडळ सभा
- महाराष्ट्र राज्य प्राथमिक शिक्षक संघ गडचिरोली ची जिल्हा स्तरिय पदाधिकारी, सहविचार व नियोजन सभा उत्साहात संपन्न
- जास्तीत जास्त शिक्षक-बंधु भगिनींनी उपस्थित राहण्याचे आवाहन : महाराष्ट्र राज्य प्राथमिक शिक्षक संघाचे जिल्हाध्यक्ष रघुनाथ भांडेकर
विदर्भ न्यूज एक्सप्रेस
प्रतिनिधी / गडचिरोली : महाराष्ट्र राज्य प्राथमिक शिक्षक संघाची जिल्हा स्तरावरील नियोजन व सहविचार सभा गडचिरोली येथे महाराष्ट्र राज्य प्राथमिक शिक्षक संघ गडचिरोली चे जिल्हाध्यक्ष रघुनाथ भांडेकर, सरचिटणीस आशिष धात्रक, कार्याध्यक्ष शिला सोमनकर, कोषाध्यक्ष राजेश चिल्लमवार, उपाध्यक्ष अशोक रायसिडाम, लोमेश उंदीरवाडे, सल्लागार दामोधर बामनवाडे, शंकरराव सुरजागडे यांचे प्रमुख उपस्थितीत २८ जून २०२३ ला गडचिरोली येथे संपन्न झाली.
२ जुलै २०२३ रोजी अहमदनगर येथे महाराष्ट्र राज्य प्राथमिक शिक्षक संघाची राज्य महामंडळ सभा आयोजित केली असून या महामंडळ सभेला माजी कृषिमंत्री खा. शरदचंद्र पवार, विरोधी पक्षनेते अजितदादा पवार, राष्ट्रवादीचे प्रदेशाध्यक्ष जयंत पाटील हे उपस्थित राहणार आहेत.
मेळाव्यात शिक्षकांच्या जुनी पेन्शनचा विषय, शिक्षक पदोन्नतीचा विषय, गडचिरोली जिल्ह्यात नक्षलग्रस्त भागात कार्य करणाऱ्या प्राथमिक शिक्षकांना एकस्तर वेतनश्रेणी सुरू ठेवण्याचा विषय, दुर्गम भागातील प्राथमिक शिक्षकांच्या बदल्यांचा विषय, मुख्यालयी राहण्याची अट रद्द करणेचा विषय,आॉनलाईन माहित्या कमी करणेचा विषय, प्राथमिक शिक्षकांची रिक्त पदे भरण्याचा विषय, सर्व विषय शिक्षकांना पदवीधर ची वेतनश्रेणी देण्याचा विषय प्रामुख्याने मांडण्यात येणार असून इतर अनेक प्रश्न या बैठकीत मांडल्या जाणार आहेत. तसेच सरकारी शिक्षणावर येत असलेल्या गंडांतराबद्दल भूमिका घेण्यात येईल.
या बैठकीत जिल्हाध्यक्ष रघुनाथ भांडेकर, सरचिटणीस आशीष धात्रक, कार्याध्यक्ष शिला सोमनकर, कोषाध्यक्ष राजेश चिल्लमवार, उपाध्यक्ष अशोक रायसिडाम यांनी गडचिरोली जिल्हातील १२ तालुक्यातील संघटना पदाधिकाऱ्यांना २ जुलै २०२३ च्या महामंडळ सभेबाबत सविस्तर मार्गदर्शन केले. आणि अहमदनगर येथील २ जुलै २०२३ ला होऊ घातलेल्या राज्य महामंडळ सभेसाठी जिल्हातुन जास्तीत जास्त शिक्षक बंधु-भगिनींना उपस्थित राहण्याचे आवाहन महाराष्ट्र राज्य प्राथमिक शिक्षक संघ गडचिरोलीचे जिल्हाध्यक्ष रघुनाथ भांडेकर, सरचिटणीस आशिष धात्रक, कार्याध्यक्ष शिला सोमनकर, कोषाध्यक्ष राजेश चिल्लमवार यांनी केले.
तसेच गडचिरोली जिल्हा प्राथमिक शिक्षक संघाच्या वतीने सभेसाठी उपस्थित नवनिर्वाचित चामोर्शी शिक्षक पतसंस्थेच्या निवडणूकीत निवडून आलेल्या शिक्षक संघाच्या संचालकांचा व ५४ वेळा रक्तदान करुन अनेकांचे प्राण वाचविणारे शिक्षक संघाचे जिल्हासंघटक राजेश मुर्वतकर सर यांचा शाल, श्रीफळ व पुष्पगुच्छ देऊन सत्कार करण्यात आला. जिल्हस्तरीय सहविचार व नियोजन सभेसाठी जिल्हातील १२ तालुक्यातील संघटना पदाधिकाऱ्यांची उपस्थिती बहुसंख्येने होती.
बैठकीचे प्रास्ताविक गडचिरोली जिल्हा प्राथमिक शिक्षक संघाचे जिल्हाध्यक्ष रघुनाथ भांडेकर यांनी केले तर यशस्वी सूत्रसंचालन चामोर्शी तालुका शिक्षक संघाचे सरचिटणीस मारोती वनकर यांनी केले. तर आभार जिल्हा संघटक राजेश मुर्वतकर यांनी मानले. या जिल्हा स्तरीय सहविचार व नियोजन सभेत प्राथमिक शिक्षकांच्या तालुका, जिल्हा व राज्य स्तरावरील प्रलंबित असलेल्या प्रमुख समस्यांवर सुद्धा चर्चा करण्यात आली. या प्रलंबित असलेल्या प्रमुख समस्या सोडविण्यासाठी जिल्हा व राज्य स्तरावरुन पाठपुरावा करणार असल्याचे जिल्हा शिक्षक संघाच्या पदाधिकाऱ्यांनी उपस्थितांना सांगितले.
याप्रसंगी सभेला जिल्हाध्यक्ष रघुनाथ भांडेकर, सरचिटणीस आशीष धात्रक, कार्याध्यक्ष शिला सोमनकर, कोषाध्यक्ष राजेश चिल्लमवार, उपाध्यक्ष अशोकराव रायसिडाम, लोमेश उंदीरवाडे, सल्लागार निलकंठ निकुरे, साईनाथ करडेवार, मनोहर परशुरामकर, शंकरराव सुरजागडे, जिल्हासंघटक राजेश मुर्वतकर, उपाध्यक्ष किशोर आत्राम, तालुकाध्यक्ष धनेश कुकडे, बंडु सातपुते, तालुकाध्यक्ष राजु मुंडले, तालुकाध्यक्ष किशोर कोहळे, तालुका सरचिटणीस सरचिटणीस बालाजी भुरले, तालुका सरचिटणीस मारोती वनकर, तालुका कार्याध्यक्ष संजय मडावी, तालुका कार्याध्यक्ष सिद्धार्थ सोरते, तालुका कोषाध्यक्ष प्रशांत पोयाम, बंडु चिळंगे, अशोक जुवारे, अविनाश भोवरे, उमेश जेंगठे, ए.डी. मैलारे, सुरेश चव्हाण, पी.डी. चौहान, सोनल मेश्राम यासह महाराष्ट्र राज्य प्राथमिक शिक्षक संघाचे बहुसंख्य पदाधिकारी उपस्थित होते.
News - Gadchiroli