एकाच दिवसात ८५ लक्षापेक्षा अधिक रुपयांचा दारूसाठा जप्त : चंद्रपुर पोलिसांची कारवाई


विदर्भ न्यूज एक्सप्रेस 
प्रतिनिधी / चंद्रपूर : 
जवळच आलेला होळी सण आणि लोकसभा निवडणुकीच्या पाश्र्वभुमीवर अवैध दारू तस्करीवर प्रतिबंध घालण्यासाठी पोलीस अधिक्षक चंद्रपुर डाॅ. महेश्वर रेड्डी यांच्या मार्गदर्शनात विशेष मोहीम राबवुून दारू तस्करी करणाऱ्यावर कारवाई करीत रामनगर पोलीस स्टेशन हद्दीतुन दोन ठीकाणी छापा टाकुन एकुण ८५ लक्ष ९९ हजार ६०० रुपयांचा मुदेमाल जप्त करण्यात आला आहे. 
१३ मार्च रोजी रामनगर पोलीसांना गोपनीय माहिती मिळाली की,  शुभम रमेश जयस्वाल नामक व्यक्तीने लोहारा येथील एका हाॅटेल समोरील बंद गोदामध्ये अवैधरित्या दारूचा साठा करून ठेवला आहे. अशा माहितीवरून रामनगर पोेलीस पथकाने छापा टाकला असता एका आरोपीसह २८७ पेटया राॅयल चॅलेज विदेशी दारू किमंत ४१ लक्ष ३२ हजार ८०० रू. , १४२ पेटया राॅयल स्टॅग विदेशी दारू किमंत २० लक्ष ५९ हजार २०० रू. , ३८ पेटया इंपेरियल ब्ल्यु  विदेशी दारू किमंत ५ लक्ष ४७ हजार २०० रू. असा एकुण ६७ हजार ३९ हजार २००  रू. चा मुद्देमाल जप्त करण्यात आला. गुन्हयात घटनास्थळावरून आरोपी नामे स्वप्नील उर्फ मोगली मनेहर शेंडे ()२७ रा. नगीनाबाग चंद्रपुर  यास अटक करण्यात आली आहे. 
तसेच दिनांक १३ मार्च रोजी स्थानिक गुन्हे शाखेच्या पथकाने गोपनीय माहितीवरून जलनगर वार्ड येथील दारूविक्रेती एका महिलेच्या   घरी छापा टाकुन राॅकेट देशी दारूच्या १४३ पेटया, किंग फिशर  कंपनी बियरचे ९ पेटया,  आॅफिसर चाॅईस विस्कीच्या २६ पेटया, आॅफिसर चाॅईस ब्लु कंपनीच्या ४ पेटया असा एकुण १८ लक्ष ५८ हजार ४०० रू. चा माल जप्त केला आहे. 
दोन्ही गुन्हयात एकुण ६७ लक्ष ३९ हजार २०० रू. चा दारूचा मुद्देमाल जप्त करण्यात आला असुन, सदरचे गुन्हे पोलीस स्टेशन रामनगर येथे नोंद करण्यात आले असुन पुढिल तपास रामनगर पोलीस करीत आहे. 
सदरचीे कारवाई महेश्वर रेड्डी , पोलीस अधीक्षक चंद्रपुर, यांचे मार्गदर्शनात उपविभागीय पोलीस अधिकारी चंद्रपुर शिलवंत नांदेळकर यांचे नेतृत्वात पेनि. प्रकाश हाके, पोउपनि कापडे, पोना सुधिर, रामभाऊ राठोड, शंकर येरमे, चिकाटे, पेशि निमगडे, पठाण, पराते, अमित, सुर्यभाम बल्की, आणि स्थानिक गुन्हे शाखेची कार्यवाही परि . आयपीएस नवनित कांवत यांचे सह पोलिस निरीक्षक ओमप्रकाश कोकाटें, स्थागुशा चंद्रपुर यांचे नेतृत्वात सफौ पंडीत वरहाटे, नापोशि  चंदु नागरे, नापोशि अविनाश दशमवार, नापोशि जमिल खान पठान यांनी पार पाडली.



  Print






News - Chandrapur | Posted : 2019-03-14






Related Photos