४ हजार रुपयांची लाच रक्कम स्वीकारणारा गडचिरोली जि.प चा शाखा अभियंता एसीबीच्या जाळ्यात


विदर्भ न्यूज एक्सप्रेस 
प्रतिनिधी / गडचिरोली :
शासनाच्या ‘‘११ हजार धडक सिंचन विहिरी कार्यक्रम अंतर्गत’’ शेतात बांधलेल्या शासनमान्य विहीरीचे अखेरचे बिल काढून देण्याचे कामाकरीता ५ हजार रुपये लाच रक्कमेची मागणी करून तडजोडीअंती ४ हजार रुपयांची लाच रक्कम स्वीकारणारा गडचिरोली जिल्हा परिषद सिंचाई विभागातील शाखा अभियंता एसीबीच्या जाळ्यात अडकला आहे . पितांबर मारोती बोदेले (५४) असे लाचखोर शाखा अभियंत्याचे नाव आहे . 
तक्रारकर्ती विधवा शेतकरी महिला आहेत. त्यांनी शासनाच्या ‘‘११ हजार धडक सिंचन विहिरी कार्यक्रम २०१६ -ं२०१७  अंतर्गत’’ आपल्या शेतात बांधलेल्या
शासनमान्य विहीरीचे अखेरचे बिल काढून  देण्याचे कामाकरीता आलोसे पितांबर बोदेले यांनी तक्रारकर्तीस ५ हजार रुपये लाचेची मागणी केली.  सदरची लाच रक्कम देण्याची तक्रारकर्तीची मुळीच इच्छा नसल्याने लाचलुचपत प्रतिबंधक विभाग, गडचिरोली येथे तक्रार नोंदविली.
लाचलुचपत प्रतिबंधक विभाग, गडचिरोली तर्फे आज १४ मार्च रोजी सापळा कार्यवाही आयोजीत केली असता सापळा कार्यवाही दरम्यान पितांबर मारोती
बोदेले यांनी ५ हजार रूपयाची मागणी करून तडजोडीअंती ४ हजार रूपये लाच रक्कम स्विकारली. यावरून त्यांचे विरूध्द पोलीस स्टेशन गडचिरोली
येथे लाचलुचपत प्रतिबंधक अधिनियम सन १९८८ (संषोधन अधिनियम २०१८) अन्वये गुन्हा नोंद करण्यात येत आहे.
सदर कारवाई लाचलुचपत प्रतिबंधक
विभाग, नागपूर पोलीस अधीक्षक श्रीकांत धिवरे, अपर पोलीस अधीक्षक राजेश  दुद्लवार, पोलीस उप अधीक्षक विजय माहुलकर , डि.एम. घुगे, पोलीस उपअधीक्षक ला.प्र.वि. गडचिरोली यांचे मार्गदर्शनात पोलीस निरीक्षक रवि राजुलवार, पोहवा प्रमोद ढोरे , पोहवा नथ्थु धोटे, नापोशी सतिश कत्तीवार, सुधाकर दंडीकेवार, देवेंद्र लोनबले, पोशी महेश  कुकुडकार, गणेश  वासेकर, किशोर ठाकूर,  सोनी तावाडे, तुळषिराम नवघरे, घनष्याम वडेट्टीवार सर्व लाचलुचपत प्रतिबंधक विभाग, गडचिरोली यांनी केली आहे . 
 
 



  Print






News - Gadchiroli | Posted : 2019-03-14






Related Photos