महत्वाच्या बातम्या

राज्यस्तरीय शूटिंग स्पर्धेमध्ये श्वेता सेवेचे सुयश

- महात्मा ज्योतिबा फुले कला महाविद्यालय आष्टीची विद्यार्थिनी

विदर्भ न्यूज एक्सप्रेस

प्रतिनिधी / आष्टी : नागपूर येथे नुकताच पार पडलेल्या विदर्भ ऍडव्हेंचर असोसिएशन नागपूर अंतर्गत 23 ते 25 जून 2023 या रोजी नागपूरला पहिली राज्यस्तरीय पिस्टल शूटिंग स्पर्धा (खुला प्रवर्ग) आयोजित करण्यात आली होती. या स्पर्धेमध्ये एकूण 154 स्पर्धकांनी भाग घेतला होता. त्यामध्ये अपंग राखीव स्तर या प्रकारामध्ये महात्मा ज्योतिबा फुले हायस्कूल तथा कनिष्ठ महाविद्यालयाच्या अकराव्या वर्गात शिकणारी विद्यार्थिनी कुमारी श्वेता भास्कर कोवे हिने प्रथम क्रमांक पटकाविण्याचा मान मिळविला आहे. तिच्या यशाचे श्रेय आई व वडील स्वर्गीय भास्कर कोवे व महात्मा ज्योतिबा फुले कला महाविद्यालयाचे आष्टीचे क्रीडा प्रमुख डॉक्टर श्याम कोरडे यांना देते.

त्यानिमित्ताने वनवैभव शिक्षण संस्था अहेरी चे उपाध्यक्ष आदरणीय बबलू हकीम तसेच शाहीन हकीम यांनी श्वेताचे भरभरून कौतुक केले व पुढील वाटचालीकरिता शुभेच्छा दिल्या. त्याचबरोबर महात्मा ज्योतिबा फुले हायस्कूल तथा कनिष्ठ महाविद्यालयाचे प्राचार्य शैलेंद्र खराती, प्राचार्य संजय फुलझेले, पर्यवेक्षक बैस व इतर प्राध्यापक वर्ग शिक्षक वृंद व शिक्षकेतर कर्मचारी यांनी शुभेच्छा दिल्या.