इथियोपियन एअरलाइन्सचं विमान कोसळून सर्व १५७ प्रवाशांचा मृत्यू


वृत्तसंस्था / अदिस अबाबा  :  इथियोपियातील अदिस अबाबा येथून नैरोबीला जाणारं इथियोपियन एअरलाइन्सचं एक विमान कोसळून सर्व १५७ प्रवाशांचा मृत्यू झाला आहे. विमानाने उड्डाण घेताच अवघ्या ६ मिनिटांत ही दुर्दैवी घटना घडली. मृतांमध्ये १४९ प्रवासी तर ८ क्रू मेंबर्सचा समावेश आहे. इथियोपियाच्या पंतप्रधानांनी विमान अपघाताच्या वृत्ताला दुजोरा दिला आहे. 
हे विमान सकाळी ८.३८ मिनिटांनी अदिस अबाबा येथून निघालं आणि टेक ऑफनंतर अवघ्या सहा मिनिटांनी ८.४४ वाजता विमानाचा संपर्क तुटला. बचावकार्य सुरू आहे. इथियोपियाची राजधानी अदिस येथून सुमारे ६० कि.मी. दूर बिशोफ्टू शही येथे ही दुर्घटना घडली. इथियोपियाच्या पंतप्रधानांनी ट्विट करत या दुर्दैवी अपघाताबद्दल दु:ख व्यक्त केलं आहे. 

 



  Print






News - World | Posted : 2019-03-10






Related Photos