महत्वाच्या बातम्या

अमलीपदार्थ प्रकरणात सार्वजनिक बांधकाम विभागाच्या अभियंता

- एन.एस.बी. पथकाची पोंभूर्णा येथे कारवाई

विदर्भ न्यूज एक्सप्रेस

प्रतिनिधी / बल्लारपूर : पोस्टाच्या ब्युरोच्या पथकाची माध्यमातून ३.१८ ग्रॅम वजनाचे लिसर्जिक एसिड डायथाइलैमाइन (एलएसडी) ड्रग्स बोलावणाऱ्या व सेवन करणाऱ्या एका बांधकाम अभियंत्याला दिल्ली येथील नार्कोटिक्स कंट्रोल ब्युरो (एनएसबी) च्या पथकाने चंद्रपूर जिल्ह्यातील पोंभुण्यात अटक केली आहे.

सदर कारवाईने पोंभुर्ल्यात ड्रग्सचे आंतरराष्ट्रीय तार जोडले गेले आहे की काय, असा प्रश्न उपस्थित होत आहे. सदर कारवाई गुरुवारी करण्यात आली असून, पुढील तपासासाठी आरोपी अभियंत्याला दिल्ली येथे नेण्यात आले आहे. दिल्ली येथे अमलीपदार्थ तस्करीच्या आरोपाखाली कारवाई करून एनसीबीने आरोपींना अटक केली होती. या गुन्ह्यात आणखी किती लोकांचा समावेश आहे, यासाठी तपास सुरू होता. या प्रकरणातील काहींना वेगवेगळ्या भागातून अटक करण्यात आली होती.

पोंभुर्णा येथील संबंधिताने लिसर्जिक एसिड डायथाइलैमाइन (एलएसडी) हे ड्रग्स पार्सलद्वारे बोलावल्याची माहिती एनसीबीला प्राप्त होताच पोंभुर्णा येथील सार्वजनिक बांधकाम विभागाच्या कार्यालयामध्ये कार्यरत असलेले श्रेणी-२ चे साहाय्यक अभियंता बिचवे यांना पोंभुर्णा पोलिसांच्या मदतीने एनसीबीच्या पथकाने पार्सल स्वीकारताना ताब्यात घेतले. ३० हजार किमतीचे व ३.१८ ग्रॅम लिसर्जिक एसिड डायथाइलैमाइनचे पार्सल हस्तगत करण्यात आले. आरोपीच्या खोलीतून काही साहित्य ताब्यात घेण्यात आले आहे.

आरोपीची चौकशी करून त्याच्यावर गुन्हा दाखल करण्यात आला असून, त्याला पोंभुर्णा न्यायालयात हजर करून पुढील तपास व कारवाईसाठी दिल्लीला नेण्यात आल्याची माहिती आहे.