महावितरणचा ‘मनुष्यबळ पुनर्रचना आराखडा’ कर्मचारी व ग्राहकांच्या हितासाठी


- उत्तम कार्य संस्कृती निर्माण होणार 
विदर्भ न्यूज एक्सप्रेस 
प्रतिनिधी / चंद्रपूर :
महावितरणमध्ये काम करीत असलेल्या एकाच क्षेत्रिय  अधिकारी किंवा कर्मचाऱ्यांकडे नवीन कनेक्शन देणे, वसुली करणे, थकबाकीदारांचा वीजपुरवठा खंडित करणे, वीजगळती कमी करणे अषा अनेक जबाबदाऱ्या असल्याने कुठल्याही कामास योग्य न्याय मिळत नाही व त्यामुळे कामाची गुणवत्ता बाधित होत असल्याच्या तक्रारी संघटना व अधिकाऱ्यांच्या वेळोवेळी होणाऱ्या बैठकीतून प्राप्त होत होत्या. या सर्व बाबींचा विचार करुन सर्वांना विश्वासात घेऊन सर्व बाबींना स्पर्श करणारा ‘मनुष्यबळ पुनर्रचना आराखडा’ व्यवस्थापनाने तयार केला आहे. व प्रत्येकाच्या  कामात सुटसुटीतपणा  येवून  एक  उत्तम कार्य संस्कृती निर्माण होईल. यामुळे प्रत्येकाला मर्यादित व ठराविक स्वरुपाचे काम मिळणार आहे. महावितरणचे ग्राहक व कर्मचारी दोघांच्या भल्यासाठीच हा आराखडा असून महावितरण कर्मचाऱ्यांनी वस्तुनिष्ठता लक्षात घेऊन तो अंगिकारावा व यशस्वी करावा असे आवाहन महावितरणचे कार्यकारी संचालक (पायाभूत आराखडा)  प्रसाद रेशमे यांनी केले . 
महावितरणमध्ये लवकरच ‘मनुष्यबळ पुनर्रचना’ होणार आहे. महावितरणचे अध्यक्ष तथा व्यवस्थापकिय संचालक  संजीव कुमार यांच्या सूचनेनुसार, ही पुनर्रचना नेमकी कशाप्रकारे होणार, त्याचे फायदे तसेच त्याबाबत असलेली चर्चा करून कर्मचारी वर्गांचे मत जाणून घेण्यासाठी मंडळस्तरावर मुख्यालयातील वरीष्ठ अधिकाऱ्यांनी मार्गदर्शन करावे या व्यवस्थापकिय संचालक यांच्या सुचनेस अनुसरून, महावितरणचे कार्यकारी संचालक (पायाभूत आराखडा)  प्रसाद रेशमे यानी ७  मार्च  रोजी गडचिरोली मंडल व चंद्रपूर मंडल कार्यालयास भेट देत कर्मचारी, संघटना प्रतिनिधी यांच्यासोबत बैठक घेऊन त्यांनी नवीन आराखड्यााची माहिती सादरीकरणाद्वारे दिली. पुनर्रचनेमुळे कोणतेही पदे कमी होणार नाहीत. पदोन्नती व सेवा जेष्ठतेवर परिणाम होणार नाही. शिवाय आरक्षण धोरणाला धक्का लागणार नाही. यातून जिथे काम करणाऱ्यांची गरज आहे, तिथे मनुष्यबळ देऊन प्रत्येकाच्या कामाचे वाटप निश्चित केले जाणार आहे असे त्यांनी सांगितले. आपल्या दैनंदिन जीवनात जसे आपण बदल वेळोवेळी स्विकारले, तसेच काळानुरूप आवश्यक असणारे बदल काम करताना आपण स्विकारले पाहिजेत.  कारण तंत्रज्ञानामुळे मानवी आयुष्य बदलून जग जवळ आले आहे. पुनर्रचना करताना ज्या काही समस्या उत्पन्न होतील, त्या हाताळण्यासाठी मुख्यालयस्तरावर सहा सदस्यांची समिती नेमली आहे. ही समिती जे बदल सुचवेल तसे अनुरूप बदल केले जातील. ग्रामीण भागासाठी पुरेसे मनुष्यबळ देता येईल. देखभाल दुरूस्ती व बिलींगसाठी स्वतंत्र रचना होईल. देखभाल दुरूस्तीकडे वेळीच लक्ष दिल्यास वीजपुरवठा खंडित होण्याचे प्रमाणही कमी होईल. बदल हा काळाचा नियम आहे व तो सकारात्मकरित्या स्विकारल्यास त्यातूनच कंपनी व पर्यायाने कर्मचाऱ्यांचेही भलेच होईल असे रेशमे  म्हणाले.
यावेळी, मुख्य अभियंता  अरविंद भादिकर, अधीक्षक अभियंता अशोक म्हस्के,  अनिल बोरसे, अनिल घोघरे यांचेसह सहमुख्य औदयोगिक संबंध अधिकारी   मधुसूदन मराठे. सहा. महाव्यवस्थापक मा.सं. महेश  बुरंगे, उपमुख्य औदयोगिक संबंध अधिकारी  सुशील विखार व सर्व कार्यकारी अभियंते,अधिकारी, कर्मचारी व संघटना प्रतिनिधी मोठ्याा संख्येने उपस्थित होते.



  Print






News - Chandrapur | Posted : 2019-03-08






Related Photos