ओबीसी मागण्यांच्या आश्वासनांची पुर्तता न केल्याने ओबीसी समाज नाराज


-  ३ मार्च  रोजी झालेल्या भाजप च्या  विजय संकल्प रॅलीवर पडला ओबीसींचा प्रभाव
विदर्भ न्यूज एक्सप्रेस 
  प्रतिनिधी / गडचिरोली : 
भारतीय जनता पक्षाला ओ.बि.सी. , गैर-आदिवासींना दिलेल्या आश्वासनाचा विसर पडल्याने वारंवार आश्वासनांची पूर्तता न केल्याने काल ३ मार्च रोजी भारतीय जनता पक्षाच्या  विजय संकल्प रॅलीत  अतिशय अल्प प्रतिसाद मिळाला. 
भाजप पक्षा मध्ये मोठया प्रमाणात ओ.बि.सी.,  गैर आदिवासी कार्यकर्ते आहेत . परंतू झालेल्या संकल्प विजय  रॅलीमध्ये सहभागी होताना दिसले नाहीत व याचा परिणाम रॅलीवर झाल्याचे दिसून आले.  रॅलीमध्ये  बोटावर मोजण्या इतपत कार्यकर्ते  सहभागी झाले. कमी कार्यकर्त्यांच्या उपस्थितीत रॅली काढण्याची  वेळ  भारतीय जनता पक्षावर आली आणि यावरून ओ.बि.सी., गैर आदिवासी जनता शासनावर किती नाराज आहे हे दिसून आले. ओ.बि.सी.,  गैर आदिवासी लोकांनी ही भुमिका त्यानी निवडणुका पूर्वी घेतल्या मुळे राष्ट्रीय ओबीसी युवा महासंघाच्या वतीने अभिनंदन करत याचा निश्चित फायदा भविष्यात ओ.बि.सी. , गैर आदिवासी समाजाला होईल असा विश्वास व्यक्त केला आहे .  एकजूट ओ.बि.सी.,  गैर आदिवासी समाजात असायला पाहिजे जर मुख्यमंत्र्यांनी पेसा गावांतील  फेररचनेबद्दल जे आश्वासन दिले होते ते पूर्ण झाले नाही  तर ओ.बि.सी. , गैर आदिवासी येत्या सार्वत्रिक निवडणुकांवर बहिष्कार टाकल्याशिवाय राहणार नाही . याची गांभीर्याने मुख्यमंत्री यांनी दखल घेऊन ओ.बि.सी.,  गैर आदिवासीच्या समस्या सोडवाव्यात अन्यथा याचे परिणाम येत्या निवडणुकांमध्ये ओ.बि.सी. गैर आदिवासी-समाजातील मतदार दाखविल्या शिवाय राहणार नाहीत व समस्त पक्षातील ओबीसी  कार्यकर्त्यांनी , प्रतिनिधीनी हीच भूमिका घेण्याचे आवाहन  राष्ट्रीय ओबीसी युवा महासंघाच्या वतीने करण्यात आले आहे. 

जिल्ह्यातील आदिवासी तसेच मराठा समाजाच्या आरक्षणाला आमचा विरोध नसून ,इतराप्रमाणे ओबीसी समाजाला सुद्धा संख्येच्या प्रमाणात आरक्षणाची मागणी आहे . या करिता आदिवासी तसेच मराठा समाजाने सुद्धा आम्हाला सहकार्य करावे  :  रुचित वांढरे 



  Print






News - Gadchiroli | Posted : 2019-03-04






Related Photos