सैनिकी वसतिगृहात ३० जुलैपर्यंत प्रवेशाची संधी
विदर्भ न्यूज एक्सप्रेस
प्रतिनिधी / नागपूर : सैनिकी मुलामुलींच्या वसतिगृहात ३० जुलैपर्यंत प्रवेशाची संधी उपलब्ध असणार आहे. माजी सैनिक मुला मुलींचे वसतिगृह, हिस्लॉप कॉलेजजवळ, सिव्हील लाईन्स येथून ५० रुपयांचा प्रवेश अर्जाचा फॉर्म व माहिती पुस्तिका घेऊन माजी सैनिक ओळखपत्र, गुणपत्रिका व शैक्षणिक संस्थेत प्रवेश घेतलेल्या संस्थेच्या दाखल्याच्या छायांकित प्रतीसह अर्ज जमा करावा, असे आवाहन जिल्हा सैनिक कल्याण अधिकारी मेजर (डॉ.) शिल्पा खरपकर यांनी केले आहे.
नागपूर येथे माजी सैनिकी मुलांची वसतिगृह क्षमता ६० व माजी सैनिकी मुलींची वसतिगृह क्षमता ७० आहे. नागपूर येथील शैक्षणिक संस्थेत शिक्षण घेत असलेल्या आजी व माजी सैनिक पाल्यांना सवलतीच्या दरात, युध्द विधवाच्या पाल्यांना मोफत निवास आणि भोजनाची सुविधा उपलब्ध आहे. जागा असल्यास सर्वसाधारण नागरिक पाल्याना प्रवेश देण्यात येणार आहे.
News - Nagpur