दुचाकी अपघातात मुक्तीपथ चा कोरची येथील उपसंघटक ठार, मृतकाचा ७ एप्रिल ला होता विवाह


- चामोर्शी येथील मेनेवार मंगल कार्यालयाजवळची घटना 
विदर्भ न्यूज एक्सप्रेस 
प्रतिनिधी / चामोर्शी :
दुचाकीने कोरचीकडे जात असलेल्या मुक्तिपथ संघटनेच्या कोरची येथील उपसंघटकाचा मृत्यू झाल्याची घटना आज २८ फेब्रुवारी रोजी सकाळी ८.३० वाजताच्या सुमारास घडली आहे.  
भालचंद्र मडावी  (३०) असे मृतकाचे नाव असून तो गोंडपिपरी तालुक्यातील व्यंकटपुर  येथील  रहिवासी होता.  विशेष म्हणजे भालचंद्र याचा कुरखेडा मुक्तीपथ तालुका प्रेरक माधुरी नामक युवतीशी ७ एप्रिलला विवाह पार पडणार होता. मात्र विवाहाआधीच  त्याच्यावर काळाने झडप घातल्याने दोन्ही कुटुंबात शोककळा पसरली आहे. 
भालचंद्र मडावी स्वगावाहुन  एमएच ३३ - ०४८६  क्रमांकाच्या दुचाकीने  कोरची येथे  जात असतांना चामोर्शी पासुन जवळच असलेल्या मेनेवार मंगलकार्यालयाजवळ  सकाळी ८.३० वाजता  दुचाकीचे संतुलन बिघडले. यामुळे  भिषण अपघात झाला. अपघात इतका भिषण होता की त्यात भालचंद्र जागीच ठार झाला. भालचंद्र हा कोरची येथे मुक्तीपथ उपसंघटक म्हणुन कार्यरत होता. घटनेची माहिती मिळताच जिल्ह्यातील मुक्तीपथ परिवारात व व्यंकटपुर येथे शोककळा पसरली.
 या घटनेची माहिती मिळताच चामोर्शी पोलीस घटनास्थळी दाखल झाले. पंचनामा करुन भालचंद्रचे प्रेत शवविच्छेदनासाठी ग्रामीण रुग्णालयात नेण्यात आले.   भालचंद्र मडावी हा कोरची मुक्तीपथ येथे एक वर्षापासुन कार्यरत होता.  त्याचे  ७ एप्रिल ला कुरखेडा मुक्तीपथ तालुका प्रेरक माधुरी नामक युवतीशी लग्न होणार होते.  घटनेचा पुढील तपास पो.नी. तुनकलवार यांच्या मार्गदर्शनात पीएसआय विनय लिल्लारे व सहकारी करीत आहेत.



  Print






News - Gadchiroli | Posted : 2019-02-28






Related Photos