सातबारावर नाव चढविण्यासाठी दोन हजारांची लाच घेतली, तलाठी आणि खासगी इसमावर एसीबीची कारवाई


विदर्भ न्यूज एक्सप्रेस
प्रतिनिधी / नागपूर :
खरेदी केलेल्या शेतजमिनीच्या सातबारावर नाव नोंदविण्यासाठी दोन हजारांची लाच स्वीकारणाऱ्या तलाठी व एका खासगी इसमावर लाचलुचपत प्रतिबंधक विभागाने कारवाई केली आहे.
प्रमोद गणपतराव धुमाळ, (५८) तलाठी साझा चाफेकळी  चाफेकळी तह. कुही जि. नागपूर असे तलाठ्याचे तर योगीराज पाडुरंग कुरंजेकर (३८) रा. चाफेकळी तह. कुही जि. नागपूर असे खासगी इसमाचे नाव आहे.  तक्रारदार   कडोली भंडारा रोड तह. कामठी जि. नागपूर येथील रहीवासी असुन शेतीचे  काम करतो.   १९ जानेवारी रोजी तक्रारदाराच्या वडीलांनी व तक्रारदरांनी खरबी त.सा.क्र. ५८ खाते क्र. ४१  मधिल भुमापन क व उपविभाग क्र. २८३ मधिल अडीच एकर शेती १२ लाख  रूपयात खरेदी केली होती. सदर शेतीची रजिस्ट्री तक्रारदाराच्या नावाने झाली असुन सदर शेतीच्या सातबारावर वर तक्रारदराचे नाव चढलेले नसल्याने तक्रारदार हे तलाठी कार्यालय चाफेगडी  येथे गेले . यावेळी तेथील तलाठी प्रमोद गणपतराव धुमाळ यांनी  तक्रारदारास शेतीच्या सातबारावर  नाव चढविण्याकरिता २ हजार रूपये लाचेची मागणी केली. तक्रारदाराची तलाठ्याने मागणी केलेली लाच देण्याची  ईच्छा नसल्याने त्यांनी लाचलुचपत प्रतिबंधक विभाग, नागपूर येथे तक्रार नोंदविली. लाचलुचपत प्रतिबंधक विभाग, नागपूर  आज २८ फेब्रुवारी रोजी सापळा कार्यवाही  आयोजीत केली . सापळा कार्यवाही दरम्यान दरम्यान प्रमोद गणपतराव धुमाळ, तलाठी, साझा  चाफेकळी, तलाठी कार्यालय चाफेकळी  यांनी तक्रारदारास शेतीच्या सातबारावर  नाव चढविण्याकरिता २ हजार लाचेची मागणी करून योगीराज पाडुरंग कुरंजेकर खाजगी इसम यांचेहस्ते लाच रक्कम स्विकारली. त्यावरून दोन्ही आरोपी विरूध्द पोलीस ठाणे कुही जि. नागपूर येथे लाचलुचपत प्रतिबंध १९८८ (संशोधन) अधिनियम २०१८ अन्वये गुन्हा नोंद  करण्यात येत आहे. 
सदर कार्यवाही पोलीस उपायुक्त/पोलीस अधिक्षक  श्रीकांत धिवरे, (अतिरिक्त कार्यभार) लाचलुचपत प्रतिबंधक विभाग नागपूर,  अपर पोलिस अधीक्षक राजेश दुद्दलवार यांच्या मार्गदर्शनात पोलिस निरीक्षक राजेश पुरी,  पोलिस हवालदार अशोक  बैस, नापोशि प्रभाकर बले व चालक पोहवा वकील शेख  यांनी केली.

 



  Print






News - Nagpur | Posted : 2019-02-28






Related Photos