महत्वाच्या बातम्या

 पोस्टे भामरागड येथे भव्य जनजागरण मेळावा तसेच बिरसा मुंडा वाचनालय उद्घाटन सोहळा संपन्न 


विदर्भ न्यूज एक्सप्रेस 
तालुका प्रतिनिधी / भामरागड : नक्षलदृष्टया अतीसंवेदनशील व दुर्गम भाग असलेल्या भामरागड तालुक्यातील तरुण युवक युवतींना स्पर्धा परिक्षांची तयारी करता यावी स्पर्धा परिक्षांचे बदलते स्वरुप व आपल्या असणाऱ्या कौटुंबिक, सामाजिक जबाबदारी यातुन मार्ग काढुन आर्थिक अडचणीवर मात करुन स्पर्धा परिक्षांच्या स्पर्धेत तग कसा धरायाचा अभ्यास कसा करायचा व यश संपादन करित शासन सेवेत कसे यायचे या उद्देशाने व पोस्टे भामरागड हद्दीतील नागरिकांना शासनाच्या विविध योजनांचा लाभ मिळवून देण्याकरिता पोलीस स्टेशन भामरागड येथे पोलीस अधिक्षक गडचिरोली नीलोत्पल अप्पर पोलीस अधिक्षक (अभियान) गडचिरोली अनुज तारे, अप्पर पोलीस अधिक्षक (प्रशासन) गडचिरोली, कुमार चिंता अप्पर पोलीस अधिक्षक प्राणहिता अहेरी, यतिश देशमुख यांच्या संकल्पनेतुन व उपविभागीय पोलीस अधिकारी नितीन गणापुरे यांच्या मार्गदर्शनाखाली पोलीस दादालोरा खिडकी अंतर्गत भव्य जनजागरण मेळावा तसेच बिरसा मुंडा वाचनालय उद्घाटन सोहळयाचे पोलीस स्टेशन भामरागड व दि. रिसर्च ऑर्गनॉयझेशन फॉर लिव्हिंग एन्हान्समेंट पुणे यांच्या संयुक्त विद्यमाने  १४ जून २०२३ रोजी पोलीस स्टेशन भामरागडच्या भव्य पटांगणावर जनजागरण मेळाव्याचे आयोजन करण्यात आले होते.


मेळावा कार्यक्रमाचे अध्यक्ष पोलीस निरीक्षक कुमारसिंग राठोड, पोलीस स्टेशन भामरागड पोलीस उपनिरिक्षक संकेत नानोटी उपस्थित होते. प्रमुख पाहुणे म्हणून स्वप्नील मगदुम गटविकास अधिकारी पंचायत समिती भामरागड, श्रीमती ज्योती गेडाम पशुसंवर्धन विकास अधिकारी पंचायत समिती भामरागड, CRPF चे असिस्टंट कमांडट सरोजकुमार यादव, पोनि राजकुमार व दि. रिसर्च ऑर्गनायझेशन फॉर लिव्हिंग एन्हवान्समेंट पुणे येथिल डॉ. सुरेश डंबोळे, श्रीमती. अॅड. प्रिती डंबोळे उपस्थित होते.


पोलीस स्टेशन भामरागड ते वाचनालय पर्यत भव्य अशी ग्रंथ दींडी काढण्यात आली सदर बिरसा मुंडा वाचनालयाचे उद्घाटन कुमारसिंग राठोड, पोलीस स्टेशन भामरागड, स्वप्नील मगदुम गटविकास अधिकारी पंचायत समिती भामरागड यांचे हस्ते फित कापून करण्यात आले.  तसेच भव्य जनजागरण मेळाव्याचे सुरुवात अध्यक्ष व प्रमुख अतिथी तसेच सर्व मान्यवरांच्या हस्ते देशाच्या विर बाबुराव पुलेश्वर शेडमाके व विर बिरसा मुंडा यांचे प्रतिमेला मालार्पण करून दिपप्रज्वलन करण्यात आले. सदर मेळाव्याचे अध्यक्ष व प्रमुख अतिथी यांचे पुष्पगुच्छ देवून स्वागत करण्यात आले. मेळाव्याला उपस्थित नागरिकांना उपस्थित मान्यवरांनी शैक्षणिक, आर्थिक, आरोग्यविषयक याबाबत प्रमुख वक्त्यांनी मार्गदर्शन केले व श्री. कुमारसिंग राठोड पोलीस निरिक्षक भामरागड यांनी पोलीस दादानोरा खिडकी अंतर्गत राबविण्यात येणाऱ्या शासनाच्या कल्याणकारी विविध योजना, प्रशिक्षण याबाबत माहिती देवून मार्गदर्शन केले व शिक्षणाचे महत्व सांगुन वाचनालयाचे पुरेपुर फायदा घ्यावा असे आवाहन स्पर्धात्मक विद्यार्थ्यांना केले. सदर मेळाव्या दरम्यान पोस्टे भामरागड हद्दीतील नागरिकांना १५ घमेले चे वाटप, ५० नागरिकांचे प्रधानमंत्री आयुष्यमान भारत कार्ड, ०५ नागरिकांचे अधिवास प्रमाणपत्र चे प्रस्ताव घेण्यात आले व १० नागरिकांचे ई- श्रम कार्ड काढुन देण्यात आले तसेच डॉ. सुरेश डंबाळे दि. रिसर्च ऑर्गनॉयझेशन फॉर लिव्हिंग एन्हवान्समेंट पुणे यांचे सहकार्याने पोस्टे हद्दीतील नागरिकांना ७५ सोलर किट चे वाटप करण्यात आले.


सदर पोलीस स्टेशन भामरागड येथे आयोजित भव्य जनजागरण मेळावा तसेच बिरसा मुंडा वाचनालय उद्घाटन सोहळाकरिता पोस्टे भामरागड हद्दीतील १०० ते १५० नागरिक उपस्थित होते. उपस्थितांना चाय जेवण व पाण्याची व्यवस्था करण्यात आली होती. मेळावा यशस्वीरित्या पार पाडण्याकरिता जिल्हा पोलीस अधिकारी / अंमलदार तसेच एसआरपीएफ चे अधिकारी अंमलदारांनी अथक परिश्रम घेतले.





  Print






News - Gadchiroli




Related Photos