शिवाजी महाराज एक शुर, बुध्दीमान आणि निर्भय शासक : प्रंचित सावकार पोरेड्डीवार


- चोप येथे पुतळ्याचे अनावरण
विदर्भ न्यूज एक्सप्रेस
तालुका प्रतिनिधी / देसाईगंज :
शिवाजी महाराज हे भारतीय राज्यकर्ते आणि मराठा साम्राज्याचे संस्थापक होते. त्यांना धार्मिक पध्दतीमध्ये खूप आवड होती. जगात त्यांचा आजही आदराने उल्लेख केला जातो. त्यांनी पारतंत्र्यातून स्वातंत्र्याकडे जाण्यासाठी प्रेरणा मिळावी, असे चरित्र घडविले. ते शूर, बुध्दीमान आणि निर्भय शासक होते, असे प्रतिपादन जिल्हा मध्यवर्ती सहकारी बॅंक गडचिरोलीचे अध्यक्ष प्रंचित सावकार पोरेड्डीवार यांनी केले.
अखिल भारतीय कुणबी समाज संघटना चोप यांच्या वतीने संत शिरोणी तुकाराम महाराज व छत्रपती शिवाजी महाराज यांच्या पुर्णाकृती पुतळ्याचे अनावरण व समाजप्रबोधन कार्यक्रमाचे आयोजन करण्यात आले होते. याप्रसंगी अध्यक्षस्थानावरून प्रंचित सावकार पोरेड्डीवार बोलत होते. 
कार्यक्रमाचे उद्घाटन आरमोरी विधानसभा क्षेत्राचे आमदार कृष्णा गजबे यांच्याहस्ते करण्यात आले. प्रमुख अतिथी म्हणून प्रा. संजय कुथे, पंचायत समिती सभापती मोहन गायकवाड, पंचायत समिती सदस्या शेवंताबाई अवसरे, जिल्हा मध्यवर्ती सहकारी बॅंकेचे संचालक पोपटराव तितिरमारे, सरपंचा लिलाबाई मुंडले, उपसरपंच कमलेश बारस्कर, मुरलीधर सुंदरकर, धनपाल मिसार, प्रा. शेंदरे, सत्कारमूर्ती माजी पं.स. सभापती शांताबाई तितिरमारे, काशिनाथ शेंडे आदी मान्यवर उपस्थित होते. 
कार्यक्रमाप्रसंगी बोलताना आ. गजबे म्हणाले, छत्रपती शिवाजी महाराज व जगतगुरू तुकाराम महाराज हे परमोच्च विभूती श्रेष्ठ तत्वांचा संगम होता. आर्य धर्मातील राजा हा सत्तेने उन्मत नसतो तर तो संतश्रेष्ठांचे आशिर्वाद घेणारा व आपले शीर त्या चरणावर ठेवणारा असतो. म्हणून सारे राज्य आणि जीवनही त्यांना समर्पण करण्याची इच्छा झाल्याने बहुमोल रत्नांचा नजाराना शिवरायांनी पाठविला. तुकोबाराय हेसुध्दा असा बहुगुणी राजा आपला शिष्य म्हणून लाभतो म्हणून हुरूपले नाहीत, असे आ. गजबे म्हणाले. 
यावेळी संत शिरोमणी तुकाराम महाराज व छत्रपती शिवाजी महाराज यांच्या पुतळ्याचे दानदाते माजी सभापती शांताबाई तितिरमारे यांचा सत्कार करण्यात आला. संचालन रविंद्र कुथे यांनी केले. प्रास्तविक कैलाश कुथे यांनी केले तर आभार तुकाराम तितिरमारे यांनी मानले.

 



  Print






News - Gadchiroli | Posted : 2019-02-23






Related Photos