महत्वाच्या बातम्या

शेतकऱ्याचा मुलगा बनला एम. बी. बी. एस. डॉक्टर

विदर्भ न्यूज एक्सप्रेस
प्रतिनिधी / बल्लारपूर : मुल तालुक्यातील नवेगाव भुजला येथील शेतकऱ्याचा मुलगा एम. बी. बी. एस. डॉक्टर झाला. आजकाल च्या स्पर्धेमध्ये टिकून राहणे कठीण झाले आहे. एक सरकारी नोकरी मिळविन्यासाठी किती खटाटोप करावा लागतो. हल्ली स्पर्धेचे युग वाढत चालेले आहे आणि खेड्यातल्या मुलांना तर जास्त कष्ट करावा लागतो, अश्या या युगात चक्क एम.बी.बी.एस ची डिग्री घेऊन नवेगाव भूजला येथील डॉ. अक्षय रुखमागंध माहोरकर यांनी डॉक्टर होण्याचे स्वप्न पूर्ण केला आहे.

अक्षय चे बालपण मूल तालुक्यातील नवेगाव भुजला इथे गेला, इय्यता सातवी पर्यन्त शिक्षण जि. प. उच्च प्राथमिक शाळा नवेगाव भुजला येथून मराठी माध्यमातून पूर्ण केले. घरची परिस्थिती हलाकीचीच. आई शिलाबाई माहोरकर आणि बाबा रुखमागंध माहोरकर व पाच भावंड असा मोठा परिवार, त्यात अक्षय हा सर्वात लहान. उपजीविकेच साधन म्हणजे फक्त शेती. त्यात सगळ्याचे शिक्षण म्हटल कि, खर्च वाढेलच. अशा परिस्थितीमध्ये घरचे खचले नाहीत. त्याला त्याचा मोठा भाऊ आशिष माहोरकर याने गावातून बाहेर निघून जिल्हयाच्या ठिकाणी शिक्षण घेण्याचा निर्णय घेतला व तिथेच राहून आपला लहान भाऊ अक्षय याला सुद्धा बोलावून घेतले. खेड्यातला मुलगा जिल्हा ठिकाणी जुब्ली हायस्कूल चंद्रपूर मध्ये शिकायला आला आणि राहण्यासाठी मागासवर्गीय मुलांचे शासकीय वसतिगृह, चंद्रपूर येथे प्रवेश घेतला.

पहील्याच वर्षी वर्गातून प्रथम क्रमांक पटकावीला आणि अक्षय चा खरा प्रवास सुरु झाला. त्यानंतर अकरावी बारावी सायन्स साठी भवानजीभाई चव्हाण ज्युनिअर कॉलेज मध्ये प्रवेश घेतले. आणि या कॉलेज मधे शिक्षकांकडून व मित्रपरिवार कडून माहिती घेऊन डॉक्टर व्हायचे असे ठरविले नंतर नीट या मेडिकल प्रवेश परीक्षेच्या पहिल्याच प्रयत्नात शासकीय वैद्यकीय महाविद्यालय, चंद्रपूर येथे एम. बी. बी. एस. साठी प्रवेश घेतले आणि तब्बल साडे पाच वर्ष अभ्यास करून आज अक्षयचा डॉ. अक्षय झाला. सध्या अक्षय जिल्हा सामान्य रुग्णालय चंद्रपूर इथे कार्यरत आहे. गावाकडची ची रुग्ण आली कि नेहमी मदतीला तत्पर असतो. आज त्याला डॉक्टर म्हणून मदत करण्यास आनंद वाटतो आहे. डॉ.अक्षय आपल्या प्रवासात डॉ. बाबासाहेब आंबेडकर आणि तथागत गौतम बुद्ध यांना गुरु मानले. आणि असेच समोर चे शिक्षण जिद्दीने घ्यायला तयारी करीत आहे.

गावातल्या मुलांनी नक्कीच स्वप्न मोठे बघावेत आणि ते साध्य करण्यासाठी आई बाबांचे चेहरे डोळ्यासमोर ठेऊन अभ्यास करावा, आयुष्यात कोणीच मागे राहणार नाही असे डॉ. अक्षय नी सांगितले.
त्याच गावचे असणारे सामजिक कार्यकर्ते तसेच The Helping Hand विजय फाऊंडेशन चंद्रपूर चे संस्थापक अध्यक्ष अजय सुनीता लहानुजी दुर्गे यांनी डॉ. अक्षय महोरकर याचे विशेष अभिनंदन केले. तसेच पुढील वाटचालीसाठी शुभेच्छा दिल्या. डॉ अक्षय हा नेहमीच The Helping Hand च्या रुग्णाला मदत करतो.