खापरखेडा हद्दीतील टाऊन येथील जुगार अड्ड्यावर धाड : पोलीस स्टेशन खापरखेडा यांची मोठी कारवाई
विदर्भ न्यूज एक्सप्रेस
प्रतिनिधी / नागपूर : पोलीस स्टेशन खापरखेडा येथील स्टाफ यांना गुप्त खबर मिळाली की, खापरखेडा टाऊन परिसरामधील व्हिडीओ गेम पार्लर मध्ये इलेक्ट्रॉनीक मशिनवर लोकांकडुन पैसे घेवुन मनोरंजनाचे नावाखाली मशीन वरील अंकावर पैश्याची बाजी लावुन हारजितचा जुगार खेळविला जात आहे. अशा मिळालेल्या खात्रीशीर माहिती वरून उपविभागीय पोलीस अधिकारी कन्हान विभाग कन्हान यांची रेड करणेबाबात परवानगी घेऊन पोलीस स्टेशन स्तरावर ०७ वेगवेगळे पथक तयार करून २७ वेगवेगळया व्हिडीओ गेमपार्लर वर टिम मार्फत रेड केली असता ०७ वेगवेगळया व्हिडीओ गेमपार्लर मधुन ८८ इलैक्ट्रॉनिक मशिन किमती अंदाजे १७,६०,०००/-रु नगदी १८०८०/- रु. व खुर्च्या किमती अंदाजे ७२००/- रु. असा एकूण १७८५२८० /- रुपयाचा मुद्देमाल गुन्हयात जप्त करण्यात आला आहे. तसेच २६ आरोपीताना ताब्यात घेण्यात येवुन ०७ गुन्हे नोंद करण्यात आले आहे.
सदरची कामगिरी ही पोलीस अधीक्षक नागपूर ग्रामीण विशाल आनंद (भा.पो.से.) तसेच अपर पोलीस अधीक्षक डॉ. संदिप पखाले यांचे मार्गदर्शनात आशित कावळे सहायक पोलीस अधीक्षक तथा उपविभागीय पोलीस अधिकारी रामटेक तथा अतिरीक्त कार्यभार कन्हान विभाग, प्रविण मुंडे ठाणेदार खापरखेडा, सहायक पोलीस निरीक्षक दिपक कॉक्रेडवार, लक्ष्मी मलकुवार, पोलीस उपनिरीक्षक सुर्यप्रकाश मिश्रा, राजेश पिसे, सहायक फौजदार कैलास पवार, पोलीस हवालदार उमेश ठाकरे, शंकर काकडे, आशिष भुरे, प्रफुल राठोड, विनोद कनोजिया, संजय कासेकर, रंजना नागमोते, पोलीस नायक प्रदिप मने, प्रमोद भोयर, राजु भोयर, मुकेश वापाडे, दिपक रेवतकर, किशोर येलेकर, बादल गिरी, पोलीस शिपाई शेखर वानखेडे, संदिप वाघमारे, अमित खोब्रागडे, राजकुमार सतुर, शत्रुगन वाहणे, योगेश तितरमारे, शुभागी मुगल यांनी पार पाडली.
News - Nagpur