महत्वाच्या बातम्या

नागपूर : वरिष्ठ पत्रकार अरुण फणसीकर यांचा संशयास्पद मृत्यू

विदर्भ न्यूज एक्सप्रेस
प्रतिनिधी / नागपूर : गेल्या अनेक दशकांपासून पत्रकारिता क्षेत्रात कार्यरत असलेले ज्येष्ठ पत्रकार अरुण फणशीकर यांचा संशयास्पद मृत्यू झाल्याने खळबळ उडाली आहे. ते ७२ वर्षाचे होते. गिरीपेठ येथील घरच्या विहीरीत त्यांचा मृतदेह आढळला. फणशीकर सकाळी वॉकला गेले होते. मात्र बराच वेळ होऊनदेखील ते घरी न आल्याने त्यांच्या कुटुंबीयांनी त्यांचा शोध सुरू केला.
परिचयातील लोकांकडे ते न आढळल्याने सोशल मीडियावर देखील माहिती प्रसारित करण्यात आली, तसेच सीताबर्डी पोलीस ठाण्यातदेखील सूचना देण्यात आली. बरीच शोधाशोध केल्यानंतर दुपारी २:३० वाजताच्या सुमारास त्यांच्या घराच्या विहिरीतच त्यांचा मृतदेह आढळला. ते नेमके कशामुळे विहिरीत पडले याचा तपास सीताबर्डी पोलीस करीत आहेत. त्यांच्या मृत्यूमुळे नागपूरच्या पत्रकार जगतात शोककळा पसरली आहे. त्यांनी दि हितवाद, इंडियन एक्सप्रेस, हिंदुस्थान टाइम्स, अश्या अनेक मोठ्या वृत्तपत्रात पत्रकारिता केली होती. तसेच अनेक पत्रकारांचे ते मार्गदर्शक देखील होते. नागपूर विद्यापीठाच्या जनसंवाद विभागात देखील ते कार्यरत होते.