महत्वाच्या बातम्या

जागतिक पर्यावरण दिनानिमित्य बर्ड केयरिंग फॉऊंडेशन तर्फे स्वच्छता अभियान

विदर्भ न्यूज एक्सप्रेस
प्रतिनिधी / बल्लारपूर : पर्यावरण हे वातावरण,हवामान, स्वच्छ्ता, प्रदूषण झाडांपासून बनलेले आहे. सर्व गोष्टी म्हणजेच पर्यावरणाचा आपल्या दैनंदिन जीवनाशी थेट संबंध आहे आणि आपल्या दैनंदिन जीवनावर त्याचा परिणाम होतो. मनुष्य आणि पर्यावरण एकमेकांवर अवलंबून आहे. प्रदूषण किंवा झाडांची कमतरता या पर्यावरणीय प्रदूषणाचा थेट परिणाम मानवी शरीरावर आणि आरोग्यावर होतो. मानवाच्या चांगल्या सवयी झाडांची जोपासना करणे, प्रदूषण रोखणे, स्वच्छता राखणे या साऱ्या गोष्टी पर्यावरणाला प्रभावित करतात. मानवाच्या वाईट सवयी पाणी घाण करणे, पाण्याचे अपव्यय करणे, झाडे कापणे या गोष्टी पर्यावरणाला प्रभावित करतात. याचा परिणाम म्हणजे नैसर्गिक आपत्तींना सामोरे जावे लागते. म्हणून या नैसर्गिक आपत्तीना समोर जाण्यासाठी, पर्यावरणाचे संरक्षण व संवर्धन आणि वने व वन्यजीव यांचे रक्षण करण्यासाठी जागतिक पर्यावरण दिनानिमित्य बर्ड केयरिंग फॉऊंडेशन तर्फे स्वच्छता अभियानल मोहीम राबविण्यात आली.
यावेळी बर्डस केयरिंग फाउंडेशनचे अध्यक्ष समीर शेख, सचिव शुभम गेडाम, सहसचिव निखील भोयर, सदस्य निकेत कोरडे, आफताब पठाण आदी सहभागी झाले होते.