महत्वाच्या बातम्या

 १८ जुलैपासून दहावी व बारावीची होणार फेरपरीक्षा


विदर्भ न्यूज एक्सप्रेस

वृत्तसंस्था / मुंबई : राज्य माध्यमिक व उच्च माध्यमिक शिक्षण मंडळाने दहावी, बारावीच्या फेरपरीक्षेचे वेळापत्रक जाहीर केले आहे. दहावीची परीक्षा १८ जुलै ते १ ऑगस्टदरम्यान तर बारावी सर्वसाधारण, द्विलक्षी विषयांची परीक्षा १८ जुलै ते ८ ऑगस्टदरम्यान होणार आहे.

बारावीच्या व्यवसाय अभ्यासक्रमाची परीक्षा १८ जुलै ते ५ ऑगस्टदरम्यान पार पडणार आहे.

परीक्षेचे दिनांकानिहाय सविस्तर वेळापत्रक www.mahahsscboard.in या वेबसाईटवर उपलब्ध करून देण्यात आले आहे. वेबसाईटवरील वेळापत्रकांची सुविधा ही फक्त माहितीसाठी असून परीक्षेपूर्वी शाळा, कनिष्ठ महाविद्यालयांकडून मिळणाऱ्या छापील वेळापत्रकानुसार विद्यार्थ्यांनी परीक्षेला सामोरे जावे, असे आवाहन राज्य शिक्षण मंडळ सचिव अनुराधा ओक यांनी केले आहे. तसेच विद्यार्थ्यांनी अन्य वेबसाईटवरील, तत्सम यंत्रणेने छपाई केलेले तसेच व्हॉट्सॲपवरून व्हायरल होणारे वेळापत्रक ग्राह्य धरू नये, अशी सूचनाही ओक यांनी केली.





  Print






News - Rajy




Related Photos