१८ फेब्रुवारीला मुख्यमंत्र्यांच्या हस्ते गडचिरोली येथे पायाभूत विकास प्रकल्पांचे भूमिपुजन, लोकार्पण


- केंद्रीय मंत्री ना. नितीन गडकरी यांची उपस्थिती राहणार
विदर्भ न्यूज एक्सप्रेस
प्रतिनिधी / गडचिरोली :
सोमवार १८ फेब्रुवारी रोजी जिल्ह्यातील विविध पायाभूत विकास प्रकल्पांचे ई लोकार्पण, ई भूमिपुजन मुख्यमंत्री ना. देवेंद्र फडणवीस यांच्याहस्ते करण्यात येणार आहे. कार्यक्रमाच्या अध्यक्षस्थानी केंद्रीय रस्ते वाहतूक, जहाजबांधणी मंत्री ना. नितीन गडकरी उपस्थित राहतील. सदर कार्यक्रम कृषी महाविद्यालयाच्या पटांगणावर सकाळी १०.३०  वाजता पार पडणार आहे.
गडचिरोली येथील कृषी महाविद्यालयाच्या इमारतीचे उद्घाटन, उपप्रादेशिक परिवहन कार्यालय गडचिरोलीच्या इमारतीचे ई - उद्घाटन, आरमोरी मार्गावरील कठाणी नदीवरील मोठ्या पुलाचे ई - लोकार्पण, जिल्ह्यातील हायब्रीड अन्युअटी अंतर्गत रस्त्यांच्या २ कामांचे ई - भूमीपुजन, जिल्ह्यातील विविध १८ कामांचे ई - भूमिपुजन, अहेरी येथील १०० खाटांच्या महिला व बाल रूग्णालयाच्या इमारत बांधकामाचे ई - भूमिपुजन, गती - २ अंतर्गत एससी, एसटी प्रवर्गातील सुशिक्षित बेरोजगारांना टक वाटप आदी कार्यक्रम मुख्यमंत्री ना. फडणवीस आणि केंद्रीय मंत्री ना. गडकरी यांच्या उपस्थितीत पार पडणार आहेत.
कार्यक्रमाला प्रमुख अतिथी म्हणून केंद्रीय गृहराज्यमंत्री ना. हंसराज अहीर, राज्याचे महसूल, मदत व पुनर्वसन, सार्वजनिक बांधकाम मंत्री ना. चंद्रकांत पाटील, राज्याचे अर्थ व वनमंत्री ना. सुधीर मुनगंटीवार, परीवहन मंत्री ना. दिवाकर रावते, सार्वजनिक बांधकाम विभाग, आरोग्य व कुटूंब कल्याण मंत्री ना. एकनाथ शिंदे, आदिवासी विकास मंत्री ना. विष्णु सावरा, परिवहन राज्यमंत्री विजय देशमुख, सार्वजनिक बांधकाम राज्यमंत्री प्रविण पोटे, आदिवासी विकास राज्यमंत्री तथा जिल्ह्याचे पालकमंत्री ना. राजे अम्ब्रीशराव महाराज आत्राम, कृषी व फलोत्पादन मंत्री सदाशिव खोत, महाराष्ट्र राज्य कृषी शिक्षण व संशोधन परिषदेचे उपाध्यक्ष संजय धोत्रे, गडचिरोली जिल्हा परिषदेच्या उपाध्यक्षा योगिताताई भांडेकर, खासदार अशोक नेते, आमदार रामदास आंबटकर, आमदार अनिल सोले, आमदार नागो गाणार, आमदार डाॅ. देवराव होळी, आमदार कृष्णा गजबे, विभागीय आयुक्त डाॅ. संजीव कुमार, डाॅ. पंजाबराव देशमुख कृषी विद्यापीठाचे कुलगुरू डाॅ. विलास भाले, जिल्हाधिकारी शेखर सिंह, पोलिस अधीक्षक शैलेश बलकवडे, जि.प.चे मुख्य कार्यकारी अधिकारी विजय राठोड आदी मान्यवर उपस्थित राहणार आहेत. 
कार्यक्रमाला उपस्थित राहण्याचे आवाहन डाॅ. पंजाबराव देशमुख कृषी विद्यापीठाचे कुलसचिव डाॅ. प्रकाश कडू, सार्वजनिक बांधकाम विभागाचे अधीक्षक अभियंता राजीव गायकवाड, उपप्रादेशिक परिवहन अधिकारी रविंद्र भुयार, कृषी महाविद्यालयाचे सहयोगी अधिष्ठाता डाॅ. एस.बी. अमरशेट्टीवार, जिल्हा शल्य चिकीत्सक डाॅ. अनिल रूडे यांनी केले आहे.

 



  Print






News - Gadchiroli | Posted : 2019-02-16






Related Photos