केंद्रप्रमुख विभागीय मर्यादित स्पर्धा परीक्षा-२०२३
- ६ ते १५ जून कालावधीत ऑनलाइन प्रणालीद्वारे अर्ज आमंत्रित
विदर्भ न्यूज एक्सप्रेस
प्रतिनिधी / चंद्रपूर : राज्यातील सर्व जिल्हा परिषदेमधील प्राथमिक शिक्षकांना केंद्रप्रमुख पदावर विभागीय मर्यादित स्पर्धा परीक्षेद्वारे नियुक्ती देण्यासाठी केंद्रप्रमुख विभागीय मर्यादित स्पर्धा परीक्षा-२०२३ चे आयोजन ऑनलाईन पद्धतीने माहे जूनच्या शेवटच्या आठवड्यात करण्यात येणार आहे. त्यासाठी पात्र उमेदवारांकडून ऑनलाइन प्रणालीद्वारे ६ ते १५ जून या कालावधीत अर्ज मागविण्यात येत आहे.
सदर परीक्षेचे माध्यम, अभ्यासक्रम, पात्रता अर्ज करण्याची कार्यपद्धती व कालावधी याबाबतची अधिसूचना महाराष्ट्र राज्य परीक्षा परिषदेच्या www.mscepune.in या संकेतस्थळावर उपलब्ध आहे, असे शिक्षणाधिकारी (प्राथ.) दीपेंद्र लोखंडे यांनी कळविले आहे.
News - Chandrapur