महत्वाच्या बातम्या

वाहतुक नियंत्रण शाखा चंद्रपूर यांची कर्कश सायलेन्सर विरुद्ध मोहीम

- कर्णकर्कश सायलेन्सर बुलेट स्वारावर करण्यात आली दंडात्मक कारवाई

विदर्भ न्यूज एक्सप्रेस

तालुका प्रतिनिधी / चंद्रपूर : चंद्रपूर शहरात बुलेट मोटार सायकल स्वार हे सायलेन्सर मध्ये फेरबदल करुन त्याऐवजी कर्णकर्कश आवाज करणारे सायलेन्सर लावुन स्टंटबाजी करीत असल्याचे तसेच गर्दीचे ठिकाणी सायलेन्सरचे कर्णकर्कश आवाज काढीत असल्याचे निदर्शनास आले तसेच जेष्ठ नागरीकांकडुन याबाबत वारंवार तक्रारी येत असल्यामुळे वाहतुक नियंत्रणा शाखा चंद्रपूर तर्फे अशा बुलेटस्वारांवर कारवाई करण्याकरीता पथक तयार करून विशेष मोहीम दरम्यान माहे जानेवारी २०२३ ते माहे मे २०२३ या कालावधीत कर्णकर्कश आवाज व सायलेन्सरमध्ये फेरबदल करणाऱ्या अशा एकुण ६० बुलेटस्वारावर कलम १९८ व १९४ (एफ) मोटार वाहन कायदा अन्वये दंडात्मक कारवाई करुन सायलेन्सर जप्त करण्यात आले.

सदरची मोहीम पोलीस अधीक्षक रविंद्रसिंह परदेशी यांच्या मार्गदर्शनाखाली पोलीस निरीक्षक रोशन यादव आणि पोलीस निरीक्षक प्रविणकुमार पाटील यांचे नेतृत्वात वाहतुक नियंत्रण शाखा चंद्रपूर येथील अधिकारी व अंमलदार यांनी राबविली. तसेच यापुढे सुध्दा ही मोहीत सतत राबविण्यात येणार असल्याने सर्व नागरीकांना आवाहन करण्यात येत आहे. की, त्यांनी आपल्या वाहनातील सायलेन्सर मध्ये कोणतेही फेरबदल किंवा कर्णकर्कश सायलेन्सर लावु नये अन्यथा त्यांच्या परिणामकारक दंडात्मक कारवाई करण्यात येणार आहे. याबाबत चंद्रपूर पोलीस दलातर्फे जाहीर आवाहन करण्यात येत आहे.