हल्ला आम्ही कधीच विसरणार नाही आणि हल्लेखोरांना सोडणारही नाही : सीआरपीएफ


वृत्तसंस्था / नवीदिल्ली :  काल १४ फेब्रुवारी रोजी  पुलवामा येथे सीआरपीएफच्या ताफ्यावर झालेल्या  हल्ल्यानंतर पंतप्रधान नरेंद्र मोदी यांनी पाकिस्तानला व दहशतवाद्यांना थेट इशारा दिल्यानंतर केंद्रीय औद्योगिक सुरक्षा दलानंही (सीआरपीएफ) या घटनेवर संतप्त प्रतिक्रिया दिली आहे. 'हा हल्ला आम्ही कधीच विसरणार नाही आणि हल्लेखोरांना सोडणारही नाही,' असा निर्धार सीआरपीएफनं व्यक्त केला आहे. 
सीआरपीएफच्या अधिकृत ट्विटर हँडलवरून पुलवामा इथं शहीद झालेल्या जवानांना आज श्रद्धांजली वाहण्यात आली. ट्विटसोबत सीआरपीएफनं श्रद्धांजलीपर एक छायाचित्र प्रसिद्ध केलं आहे. 'पुलवामामध्ये हौतात्म्य आलेल्या आमच्या बहाद्दूर जवानांना आम्ही सॅल्यूट करतो. आम्ही त्यांच्या कुटुंबीयांसोबत आहोत. ही घटना आम्ही कधीही विसरणार नाही आणि यासाठी जबाबदार असलेल्यांना माफ करणार नाही. या नृशंस हल्ल्याचा बदला घेतला जाईल,' असं सीआरपीएफनं ट्विटमध्ये म्हटलं आहे.



  Print






News - World | Posted : 2019-02-15






Related Photos