महत्वाच्या बातम्या

 खासदार बाळू धानोरकर संघर्षातून तयार झालेले नेतृत्व : उपमुख्यमंत्री देवेंद्र फडणवीस 


- देवेंद्र फडणवीस यांची धानोरकर कुटुंबीयांना सांत्वन भेट


विदर्भ न्यूज एक्सप्रेस     
प्रतिनिधी / वरोरा : चंद्रपूर - वणी - आर्णी लोकसभा क्षेत्राचे खासदार दिवंगत बाळू धानोरकर यांचे अचानक आणि तरुण वयात झालेले निधन हे दुःखद आहे. त्यांच्या परिवाराचे सांत्वन करण्याकरिता मी आज येथे आलो, असे भवोद्गार महाराष्ट्र राज्याचे उपमुख्यमंत्री देवेंद्र फडणवीस यांनी वरोरा येथील खासदार धानोरकर यांच्या निवासस्थानी माध्यमांशी बोलताना काढले.
खासदार धानोरकर यांचे नुकतेच अल्पशा आजाराने निधन झाले होते. त्यांच्या कुटुंबीयांचे सांत्वन करण्याकरिता फडणवीस सोमवारला दुपारी तीनच्या सुमारास वरोरा येथील त्यांच्या निवासस्थानी आले होते. याप्रसंगी त्यांनी खासदार धानोरकर यांच्या पत्नी आमदार प्रतिभा धानोरकर आणि त्यांचे भाऊ अनिल धानोरकर यांचे समवेत कुटुंबीयांचे सांत्वन केले.  

   
पत्रकारांशी बोलताना फडणवीस म्हणाले की, खासदार धानोरकर हे राजकारणात अतिशय झपाटणे विकसित झालेले नेतृत्व होते. संघर्षातून तयार झालेला कार्यकर्ता म्हणून त्यांच्याकडे बघितले जात असताना मात्र अचानक त्यांचे निधन होणे, हे अतिशय दुःखद असल्याचे ते म्हणाले. त्यानंतर देवेंद्र फडणवीस यांनी वरोऱ्याचे माजी नगराध्यक्ष अहतेश्याम अली यांचे निवासस्थानी सदिच्छा भेट दिली. याप्रसंगी आमदार कीर्ती भांगडिया, आ परिणय फुके, भाजपचे जिल्हाध्यक्ष देवराव भोंगळे अहतेश्याम अली, भाजपचे पदाधिकारी बाबा भागडे, डॉ भगवान गायकवाड, विजय राऊत आदी पदाधिकारी, कार्यकर्ते उपस्थित होते. 





  Print






News - Chandrapur




Related Photos