महत्वाच्या बातम्या

 माजी पालकमंत्री राजे अम्ब्रिशराव आत्राम यांनी नवीन बौद्ध विहार बांधकामासाठी ५ लाख रुपयांची केली आर्थिक मदत


- अहेरी राजनगरीत होणार भव्यदिव्य असे बौद्ध विहार

विदर्भ न्यूज एक्सप्रेस 

तालुका प्रतिनिधी / अहेरी : गडचिरोली जिल्ह्यातील राजनगरी अहेरी येथे जुने जीर्ण बुद्ध विहार पाडून भव्यदिव्य असे नवीन बौद्ध विहार बांधकाम करण्यासाठी स्थानिक अहेरी येथील  बौद्ध समाज बांधवांना आर्थिक मदतीची गरज भासत होती, ही बाब अहेरी इस्टेटचे दानशूर राजे तथा गडचिरोली जिल्हा माजी पालकमंत्री राजे अम्ब्रिशराव आत्राम यांच्या कानी पडताच त्यांनी स्थानिक अहेरी येथील बौद्ध समाज बांधवांना भेटून त्यांच्याशी आस्थेने संवाद साधत त्यांची समस्या आणि त्यांच्या अडचनी जाणून घेतल्या व त्यांना अहेरी राजनगरीत भव्यदिव्य असे सुंदर बौद्ध विहार बांधकाम करण्यासाठी ५ लाख रुपयाची आर्थिक मदत केली.

आजच्या धावपळीच्या जीवनात लोकांना गौतम बौद्ध व भारतरत्न डॉ. बाबासाहेब आंबेडकर यांच्या कार्यांची आणि विचारांची माहिती व प्रेरणा या बौद्ध विहारातून मिळावी आणि आजच्या युवा पिढीमध्ये संस्कार वाढावे आणि आजचा युवा हा आपले भविष्य आदर्श व्यक्ती म्हणून समाजात जगेले, या उद्देशाने हा बौद्ध विहार एक केंद्र बिंदू बनेल, असे मत यावेळी गडचिरोली जिल्ह्याचे माजी पालकमंत्री व दानशूर राजे अंम्ब्रिशराव आत्राम यांनी व्यक्त केले.

पुढे बोलतांना ते म्हणाले, बौद्ध विहारातून चांगले कार्य बौद्ध समाजात घडावे आणि आजच्या युवा पिढीने डॉ. बाबासाहेब आंबेडकर व गौतम बौद्ध यांचे विचार आपल्यात रुजवावे आणि आपली प्रगती करावी, आपले उज्वल भविष्य बनवावे आणि आपल्या देशाचे नाव, आपल्या राज्याचे नाव व आपल्या जिल्ह्याचे नाव लौकिक करावे, असे मत यावेळी राजे अंम्ब्रिशराव आत्राम यांनी अहेरी येथील बौद्ध समाज बांधवांना बोलून दाखवले आणि आपण सदैव आपल्या सोबत आहोत, असे ते बौद्ध समाज बांधवांना म्हणाले.

यावेळी बौद्ध समाज ज्ञान प्रसारक युवक मंडळ अहेरीचे अध्यक्ष एकनाथ चांदेकर, सहसचिव प्रशांत भीमटे, संजय ओंडरे, रमेश अलोने, मारोती ओंडरे, तिरुपती चालूरकर, रोहीत ओंडरे, परशुराम दहागांवकर तसेच स्त्री सदस्य म्हणून कमला ओंडरे, शोभा भीमटे, कमल अलोने, प्रफुता ढोलगे, लता ओंडरे, सरिता अलोने, रसिका दहागांवकर, माया दुर्गे, माधुरी माउलीकर, भारती ओंडरे, दिव्या अलोने, शकुन अलोने, उमा चल्लूरकर, गंगासागर कांबडे, निर्मला दुर्गे, सुगणा दुर्गे इत्यादी अहेरी येथील बौद्ध समाज बांधव, गावकरी व महिला वर्ग मोठया संख्येने उपस्थित होते. 





  Print






News - Gadchiroli




Related Photos