महत्वाच्या बातम्या

 कृपाली धारणे यांना अहिल्याबाई होळकर पुरस्काराने सन्मानित


- रत्नापूर ग्रामपंचायत अंतर्गत पुण्यश्लोक अहिल्यादेवी होळकर सन्मान पुरस्कार कार्यक्रम आयोजित 

विदर्भ न्यूज एक्सप्रेस 

तालुका प्रतिनिधी / सिंदेवाही : महाराष्ट्र शासनाच्या योजनेनुसार रत्नापूर येथील ग्रामपंचायत मध्ये पुण्यश्लोक अहिल्यादेवी होळकर सन्मान पुरस्काराचे आयोजन करण्यात आले होते. पुरस्काराचा आधी सर्व रत्नापूर मध्ये नोंदणी करण्याचे आवाहन करण्यात आले होते. नोंदणी झाल्यावर त्याच्यावर निवड प्रक्रिया करण्यात आली या निवड प्रक्रियेत बार्टीच्या समता दूत कृपाली धारणे यांची सर्वानुमते पहिल्या क्रमांकावर निवड करण्यात आली.  

आज पुण्यश्लोक अहिल्याबाई होळकर यांच्या जयंतीचे औचित्य साधून महिलांचा सन्मान आणि त्यांना सक्षम करण्यासाठी विविध क्षेत्रात कार्य करणाऱ्या विविध महिला यांना प्रेरणा मिळावी, यासाठी समतादूत कृपाली धारणे यांची प्रमाणपत्र आणि रोख रक्कम देऊन गावच्या प्रथम नागरिक सरपंच  कविता सावसाकडे, उपसरपंच अशोक गभने, ग्रामविकास अधिकारी नरेंद्र वाघमारे यांनी  सन्मानित केले. 

क्रूपाली धारणे यांना मिळालेली रक्कम त्यांनी मातोश्री अकॅडमी गायडन्स इन्स्टिट्यूटऑफ कॉम्पिटिटिव्ह एक्झाम अँड ट्रेनिंग (मॅजिक) या संस्थेला देणगी दिली. ही संस्था साहस, अंकुर, छलांग, इलाज, उपक्रम अशा विविध उपक्रमावर ही संस्था कार्य करत आलेली आहे. आणि या संस्थेच्या माध्यमातून विद्यार्थी घडविला जातो. आणि याच्या माध्यमातून अनेक मुले नोकरीला सुद्धा लागलेली आहेत.

क्रूपाली धारणे यांनी या सन्मानाचे खरे हक्कदार डॉ. बाबासाहेब आंबेडकर यांच्या प्रेरणाने आणि क्रूपाली धारणे यांचे आई-वडील आणि त्यांचे पती  ग्राम पंचायत सदस्य वासुदेव दडमल यांनी कशाप्रकारे पावलोपावली मदत केली व त्यांचे मनोबल वाढवून त्यांना यशस्वी केले श्रेय दिले .

क्रूपाली धारणे या सामाजिक न्याय विभागाची स्वायत्ते संस्था डॉ. बाबासाहेब आंबेडकर संशोधन आणि प्रशिक्षण संस्था बार्टी पुणे येथे मागील आठ वर्षापासून कार्यरत आहेत . या एम.ए.बी.एड.,  एम.ए. अर्थशास्त्र, एम.एस. समाजशास्त्र, एम.ए. इतिहास झालेल्या आहेत. आपल्या विविध क्षेत्रांमध्ये महिला सक्षमीकरण आरोग्यविषयक माहिती किशोरवयीन मुलींना मार्गदर्शन तसेच हुंडाबळी, बाल हत्या प्रतिबंध कायदा, भारतीय संविधान यावर सखोल असे मार्गदर्शक काम केलेले आहे. त्याचप्रमाणे गावातील कोणते भांडण असो त्यांनी सर्वतोपरी सोडविण्याचा प्रयत्न केलेला आहे. याचा गौरव म्हणून ग्रामपंचायत कडून हा पुरस्कार बहाल करण्यात आला.

कार्यक्रमाच्या यशस्वीतेसाठी सरपंच कविता सावसाकडे, उपसरपंच अशोक गभने, ग्रामविकास अधिकारी नरेंद्र वाघमारे, ग्रामपंचायत सभासद उषा धारणे, माया लोधे, रजनी काऊलकर, नजरी मेश्राम, हेमलता सोनटक्के, वासुदेव दडमल, इम्रान पठाण, प्रवीण कामडी तसेच ग्रामपंचायतचे सर्व कर्मचारी, अंगणवाडी सेविका, तंटामुक्ती अध्यक्ष, सदस्य तसेच सर्व गावकरी, महिला उपस्थित होते.





  Print






News - Chandrapur




Related Photos