मानव सेवा हीच ईश्वर सेवा : राजू मदनकर


- मानव धर्माच्या भव्य सेवक संम्मेलनाचे थाटात  आयोजन  
विदर्भ न्यूज एक्सप्रेस 
प्रतिनिधी /गडचिरोली :
आपले जिवनमान जगण्यासाठी आणि जीवनस्तरांची उंची उंचावण्यासाठी  मानवाला जर गरज असेल तर परमात्मा एक हे मार्ग स्विकारणे गरजेचे आहे. म्हणुनच मानव सेवा हीच ईश्वर सेवा आहे, असे आज धानोरा येथे भव्य सेवक संमेलन प्रसंगी मंडळाचे अध्यक्ष राजू मदनकर बोलतांना आपले मत व्यक्त केले. 
 अंधश्रध्दा, व्यसनमुक्ती, ग्रामस्वच्छता, बेटी बचाव-बेटी पढाव, कुटुंब नियोजन आदि. विविध विषयावर  होणाऱ्या या मानव धर्माच्या भव्य सेवक संम्मेलनात जनजागृतीपर, समाज सुधारणेच्या दृष्टीने  धानोरा येथील आदिवासी गृह निर्माण सहकारी मर्या. च्या भव्य पटांगणात आज ७ फेब्रुवारी  रोज गुरुवारला मानव धर्माच्या भव्य सेवक संम्मेलनाचे आयोजन केले होते त्यावेळी राजू मदनकर बोलत होते.
 यावेळी  प्रमुख अतिथी म्हणुन आमदार डॉ. देवराव होळी तसेच माजी आमदार डॉ. नामदेव उसेंडी, तहसिलदार गणवीर, नगराध्यक्ष लिना साळवे, तसेच उद्घाटक म्हणून मंडळाचे सदस्य टिकाराम भेंडारकर , संजय चाचेरे, गोपाल बावनवाडे,  मानीक मेश्राम तसेच सत्कारमुर्ती  डॉ. गोवींदराव दोनाडकर आणि गडचिरोलीचे आयोजक मार्गदर्शक दिवाकर ठेंगरे प्रामुख्याने उपस्थित होते. 
 पुढे बोलतांना मदनकर म्हणाले की, आपण जो काम करीत आहोत, असा मानव धर्म जगात दुसरा निष्काम करणारा कर्म होऊ शकत नाही.  आपल्याला  जी शिकवन दिली आहे त्या शिकवणीने  प्रत्येक सेवकाने  चांगले वागले पाहिजे.  येणाऱ्या काळात आपल्यापासून  काही चांगले कामे होऊ शकतात का हे पहाणे गरजेचे आहे.  विज्ञान युगात जर अंधश्रध्दा दुर होऊ शकत नाही ते माझ्या या मार्गात येणाऱ्या सेवकांने दुर करु शकतात असे ते म्हणाले. 
 आमदार डॉ. देवराव होळी आणि माजी आमदार डॉ. नामदेव उसेंडी यांचीही समयोचित भाषणे झाली.  कार्यक्रमाच्या पुर्वी सकाळी ८  वाजता  १५ प्रकारच्या झांकी  विद्यार्थ्यांनी सादर केल्यात. कार्यक्रमात परिसरातील १५ हजार नागरिकांची उपस्थिती होती. 



  Print






News - Gadchiroli | Posted : 2019-02-08






Related Photos