'मागेल त्याला अन्न' मोहीम राबवा : किशोर तिवारी


-शेतकरी स्वावलंबन मिशनचा आढावा
विदर्भ न्यूज एक्सप्रेस 
प्रतिनिधी / वर्धा :
कोणतीही गरीब व्यक्ती अन्नधान्यापासून वंचित राहू नये यासाठी मागेल त्याला अन्न अशी मोहीम सुरू करून नवीन लाभार्थ्याचा समावेश करावा. पॉस मशीनमुळे वाचलेले अन्नधान्य नवीन लाभार्थी शोधून त्यांना वाटप करावे. यामध्ये प्राधान्याने अंत्योदय, अन्नपूर्णा, आणि एड्सग्रस्त आणि आत्महत्याग्रस्त शेतकरी कुटुंबाचा समावेश करावा अशा सूचना स्व. वसंतराव नाईक शेती स्वावलंबन मिशनचे अध्यक्ष किशोर तिवारी यांनी केल्यात.
जिल्हाधिकारी कार्यकायातील सभागृहात आढावा बैठकीत ते बोलत होते. यावेळी जिल्हा परिषद अध्यक्ष नितीन मडावी,  जिल्हाधिकारी शैलेश नवाल, मुख्य कार्यकारी अधिकारी अजय गुल्हाने, राज्य कृषी मूल्य आयोगाचे सदस्य प्रशांत इंगळे, मिलिंद भेंडे आणि इतर अधिकारी उपस्थित होते.
जिल्ह्यात ११ लाख लाभार्थ्याना अन्नधान्य वितरण होते. संगणकीय प्रणाली आणि पॉस उपकरणामुळे जिल्ह्यात अन्नधान्याची मोठी बचत होत आहे. त्यामुळे नवीन २५०० अंत्योदय चे लाभार्थी यामध्ये समाविष्ट होऊ शकतात अशी माहिती जिल्हा पुरवठा अधिकारी अनिल बनसोड यांनी दिली. एकापेक्षा जास्त रेशन दुकान असणारयांचा शोध घेऊन त्यांच्यावर कारवाई करावी. तसेच रेशन दुकानदारांनी धान्य वाटप केल्यानंतर लाभार्थ्यांच्या घरी जाउन तपासणी करावी, कोणत्याही महिलेला स्वस्त धान्य दुकानात व्हेरिफिकेशन करण्यासाठी बोलवू नये अशा सूचना त्यांना देण्यात याव्या असेही तिवारी यावेळी म्हणाले.
कोलाम आणि पारधी लोकांसाठी असलेल्या योजना त्यांच्यापर्यंत पोहचाव्यात यासाठी पारध्यांचा मेळावा घेऊन त्यांना जातीचे प्रमाणपत्र वाटप करावे यासाठीचे नियम शिथिल करावेत. तसेच पारधी समाजाला पारंपारीक व्यवसायापासून बाहेर काढण्यासाठी त्याना दुसरा व्यवसाय सुरू करण्यासाठी मुद्रा
योजनेमधून कर्ज उपलब्ध करून द्यावे अशा सूचनाही त्यांनी या बैठकीत जिल्हा अग्रणी बँक व्यवस्थापक यांना दिल्यात. तसेच २०१९ च्या खरीप कर्ज वाटपाचे नियोजन करण्यासाठी आतापासून मेळावे घ्यावेत. ज्या शेतकऱ्यांची कर्जमाफी झाली त्या सर्व शेतकऱ्याना कर्ज उपलब्ध करून देण्यात यावे अशा सूचना त्यांनी दिल्यात.  ग्रामीण भागातील नागरिकांना आरोग्याच्या सत्व सुविधा पोहचवाव्यात. तसेच रक्तदाब, मधुमेह या आजाराच्या औषधी जनतेला फ्री देण्यात याव्यात. ए एन एम गावात राहत नसेल तर तात्काळ त्यांच्या सेवा खंडित करण्यात याव्यात असेही तिवारी यावेळी म्हणाले. 
गोपीनाथ मुंडे शेतकरी अपघात विमा योजनेतील २०१७ मधील मंजूर झालेले लाभार्थ्यांना अद्याप पैसे मिळाले नसल्याची तक्रार मिलिंद भेंडे यांनी केली.यावर १ महिन्यात  विमा कंपनीने पैसे दिले नाहीत तर त्यांच्यावर एफ आय आर दाखल करा असे निर्देश जिल्हाधिकारी यांनी दिलेत. 
या बैठकीत ग्राम सामाजिक परिवर्तन अभियानात झालेल्या कामावर ५ मिनिटांची व्हिडीओ क्लिप दाखवण्यात आली. या बैठकीला जिल्हा शल्य चिकित्सक पुरुशोत्तम मडावी, जिल्हा आरोय अधिकारी अजय डवले, कृषी उपसंचालक श्री कापसे, जिल्हा अग्रणी बँक व्यवस्थापक वीरेंद्र कुमार, तसेच ग्राम सामाजिक परिवर्तन अभियानाचे जिल्हा समन्वयक  प्रवीण कु-हे, तसेच इतर अधिकारी उपस्थित होते.
 

विद्यार्थ्यांनी मोबाईल प्रेमी न होता पुस्तक प्रेमी व्हावे : किशोर तिवारी

 आजची तरुण पिढी व विद्यार्थी केवळ मोबाईल चा वापर करीत आहे. मोबाईलमुळे विद्यार्थ्यांचे आरोग्य सोबतच भविष्य खराब होत आहे यासाठी विद्यार्थ्यांनी आपले भविष्य उज्वल करण्यासाठी मोबाईल प्रेमी न होता पुस्तक प्रेमी व्हावे. असे प्रतिपादन कै. वसंतराव शेती स्वावलंबन मिशनचे अध्यक्ष किशोर तिवारी यांनी स्काऊट गाईड मेळाव्याच्या समारोपीय कार्यक्रम प्रसंगी केले.
भारत स्काउट गाईडच्या जिल्हा संस्थेच्या वतीने ३५ व्या तीन दिवसीय जिल्हा मेळाव्याच्या समारोपीय कार्यक्रमात ते बोलत होते. यावेळी जय महाकाली शिक्षण संस्थेचे अध्यक्ष पंडित शंकरप्रसाद अग्नीहोत्री, मुख्यकार्यकारी अधिकारी अजय गुल्हाने, नगराध्यक्ष अतुल तराळे, रविंद्र कोंटबकर, यशवंत ग्रामीण शिक्षण संस्थेचे सचिव प्रकाश ढांगे, स्काउट गाईडचे जिल्हा आयुक्त प्रा. मोहन गुजरकर, समाज सेवक मोहन अग्रवाल, जिल्हा आपत्ती व्यवस्थापन अधिकारी किशोर सोनटक्के, स्मिता तिवारी, शिक्षणाधिकारी एस.आर. मेश्राम, उपिशिक्षणाधिकारी वाल्मिक इंगोले, निसर्ग सेवा समितीचे अध्यक्ष मुरलीधर बेलखोडे, स्काउट गाईडचे जिल्हा अध्यक्ष सतिश राऊत, प्रदिप दाते आदी मान्यवर उपस्थित होते.
स्काउड गाईड कार्यालय व प्रशिक्षणासाठी जिल्हा परिषदेन चांगली जागा उपलब्ध करुन दिली असल्याने त्यांनी यावेळी जिल्हा परिषदेचे आभार मानले यासोबतच जिल्हा परिषदेने कार्यालयाच्या बांधकामासाठी नियोजन समितीतून निधी उपलब्ध करुन दयावा अशा सूचनाही यावेळी अजय गुन्हाने यांना  तिवारी यांनी केल्यात. १० व १२ वीच्या विद्यार्थ्यासमोर भविष्य उज्वल करण्याचे मोठे आव्हान असून त्यांनी या आव्हानाला सकारात्मकपणे सामोरे जावे असेही यावेळी तिवारी म्हणाले.
मनुष्याने स्वप्न पाहतांना रात्रीचे स्वप्न पाहण्यापेक्षा दिवसाचे स्वप्न पाहावे. यासाठी मन एकाग्र ठेवावे. अभ्यासवर लक्ष केंद्रीत करुन कार्य केल्यास यश प्राप्त होते. असे अग्नीहोत्री म्हणाले. यावेळी रविंद्र कोंटबर यांनी सुधदा आपले मनोगत व्यक्त केले. 
यावेळीतिवारी यांचे अजय गुल्हाने, रविंद्र कोंटबकार, प्रकाश डांगे यांनी तीन दिवशीय प्रशिक्षणासाठी मोलाचे योगदान दिल्याबाबत स्मृती चिन्ह देऊन सत्कार करण्यात आला. तसेच औरंगाबाद येथील स्काउट गाईडच्या राज्य मेळाव्यात जिल्हयातील प्रथम, व्दितीय व तृतीय क्रमांक प्रात्प केलेल्या शाळा व वर्धा येथील मेळाव्यात खेळ व विविध उपक्रमात सहभाग नोदविलेल्या स्काउट गाईडचा स्मृतीचिन्ह देऊन सत्कार करण्यात आला कार्यक्रमाला मदनमोहन मोहता, श्री. बाचले, श्री. जगताप , स्काउट गाईड मोठया संख्येने उपस्थित होते.


 



  Print






News - Wardha | Posted : 2019-02-07






Related Photos