पुलगांव आयुध निर्मानी बॉम्बस्फोटाच्या उच्चस्तरीय चौकशीला प्रारंभ


- खासदार रामदास तडस यांच्या संसदीय प्रश्नाला रक्षाराज्यमंत्री यांचे लेखी उत्तर
विदर्भ न्यूज एक्सप्रेस 
 प्रतिनिधी /  वर्धा : 
२० नोव्हेंबर २०१८ रोजी  पुलगांव आयुधी निर्मानी परीसरामध्ये घडलेल्या स्फोटाच्या घटनेची रक्षा मंत्रालयाच्या वतीने उच्चस्तरीय चैकशीच्या प्रक्रियेला प्रारंभ झाला असून या करिता बोर्ड ऑफ  इन्कायरीची गठण करण्याची माहिती केन्द्रीय रक्षाराज्यमंत्री  सुभाष  भामरे यांनी खासदार रामदास तडस यांच्या लेखी प्रश्नाला उत्तर देतांना दिली.
  पुलगांव येथे शस्त्र निकामी करतांना घडलेल्या घटनेची उच्चस्तरीय चौकशी करुन ज्या नागरिकांना आपला जिव गमवावा लागला त्यांना न्याय मिळावा म्हणून सखोल चौकशी करण्याची मागणी खासदार रामदास तडस यांनी लेखी स्वरुपात केली होती. व सोबतच संसदेमध्ये हा मुद्दा उपस्थित केला होता. कंत्राटदाराच्या वतीने कुठल्याही प्रकारच्या सुरक्षा उपाययोजनांचे पालन न करता चुकीच्या पध्दतीने शस्त्र निकामी करतांना हा दुदैवी अपघात घडला होता परीसरातील गावामध्ये व नागरी वस्त्यामध्ये नागरीक भयभीत असून भविष्यात पुन्हा अशी घटना घडू नये म्हणून या प्रकरणाची सखोल चौकशी होणे गरजेचे होते.
 पुलगांव येथील घडलेल्या घटनेची चौकशी पुर्ण झाल्यावर दोषी व्यक्तीविररुध्द नक्कीच कठोर कार्यवाही होईल व गंभीर घटनेची पुनरावत्ती टाळण्याकरिता चौकशीची मदत होईल असे मत खासदार रामदास तडस यांनी व्यक्त केले.



  Print






News - Wardha | Posted : 2019-02-06






Related Photos