महत्वाच्या बातम्या

ग्रामिण भागातील दलीत वस्तींच्या विकास कामाकरिता सदैव कटिबध्द राहणार : खासदार रामदास तडस

- ग्रामपंचायत सिंदी (मेघे), उमरी (मेघे) व म्हसाळा येथे केले 2 कोटी 30 लक्ष विकास कामांचे भूमीपूजन.

विदर्भ न्यूज एक्सप्रेस
प्रतिनिधी / वर्धा : शहरातील भौतिक सुविधा व रोजगार गावातच निर्माण झाल्यास गावातील तरुण शहराकडे जाणार नाहीत. त्याच धर्तीवर पंतप्रधान मा. श्री. नरेंद्रजी मोदी यांचे केंद्र व महाराष्ट्राचे उपमुख्यमंत्री मा. श्री. देवेंद्र फडणवीस यांची राज्य सरकार प्रयत्नशील आहे. भविष्यात या माध्यमातून लाखो रोजगार निर्माण करून ग्रामीण भागालाही विकासाच्या मुख्य प्रवाहात आणण्यासाठी सरकार कटीबद्ध आहे. ग्रामीण भागात दलीत वस्तींच्या विकासकामांसाठी मोठ्या प्रमाणात उपलब्ध होत असलेल्या निधीच्या माध्यमातून अनेक विकासाची कामे मार्गी लागल्यामुळे ख-या अर्थाने ग्रामीण भागाच्या विकासाला न्याय मिळत असल्याचे प्रतिपादन खासदार रामदास तडस यांनी सिंदी (मेघे), उमरी (मेघे) व म्हसाळा विकास कामाचे भूमिपूजन प्रसंगी केले.
सिंदी (मेघे), उमरी (मेघे) व म्हसाळा येथे महाराष्ट्र शासन सामाजिक न्याय व विशेष सहायता विभाग यांच्या अंतर्गत भारतरत्न डॉक्टर बाबासाहेब आंबेडकर सामाजिक योजने च्या माध्यमातून खासदार रामदास तडस यांच्या विशेष प्रयत्नाने सिंदी (मेघे), उमरी (मेघे) व म्हसाळा ग्रामपंचायत अंतर्गत असलेल्या दलित वस्ती भागामध्ये 2 कोटी 30 लक्ष विकास कामांची भूमिपूजन करण्यात आले. केंद्र शासनाच्या व महाराष्ट्र शासनाच्या माध्यमातून वर्धा लोकसभा क्षेत्रातील ग्रामीण भाग व ग्रामीण भागातील दलित वस्तींकरिता मोठ्या प्रमाणात निधी आणणार व दुर्गम भागातील अविकसित भागांचा विकास मोठ्या प्रमाणात करणार असे या वेळेला खासदार रामदास तडस यांनी नागरिकांना सांगितले.
या विकास कामाच्या भूमिपूजन प्रसंगी आमदार डॉ. पंकज भोयर, ग्रामपंचायत सिंदी (मेघे) येथे माजी जि. प. सदस्य विलास कांबळे, माजी जि. प. सदस्य अमित ठाकुर, ग्रामपंचायत सदस्य विजय महेशगौरी, सुधाकर खडतकर, अशोक नगराळे, प्रविण जंगले, आशिष बेताल, विकास ढेपे, संजय बडमल, राष्ट्रपाल मुन, शरद नारायणे, राकेश उमरे, पंकज तामगाडगे, कृष्णा वाघमारे, प्रमोद खंडारे, अशोक बारेकर, सुमित गाजंरे, ग्रामपंचायत म्हसाळा येथे सरपंच सौ. मंगलाताई काचोरे, उपसरपंच संदेश किटे, ग्राम पंचायत सदस्य अनिल उमाटे, चंदन उईके, इमरान पठाण, वंदना झामरे, छाया दातारकर, सारिका वानखेडे, श्रीदेवी वैरागडे, शारदा बावने, वामन बूरांडे, चंद्रभान नाखले, रामराव किटे, विजय वैद्य, माजी सरपंच संदीप पाटील, ग्रामविकास अधिकारी सुधाकर आसुरकर, तसेच ग्रामपंचायत सिंदी (मेघे) येथे सरपंच सौ. नंदा उघडे, उपसरपंच सचिन खोसे, ग्रामपंचायत सदस्य सुरेंद्र आगलावे, कुलदीप चैधरी, मोहन बुधबावरे, दिलीप ढगे, अल्का तिरपुडे, संघदीपा दखने, उषा कोकाटे, सुषमा रेवतकर, वंदना चुटके, रंजना वाढई असंख्य नागरिक उपस्थित होते.