राज्यस्तरीय क्रीडा स्पर्धेत नागपूर विभागाच्या यशात गडचिरोली जिल्हयाचा सिंहाचा वाटा


-  ५४ पैकी ४९  सुवर्ण पदकांची कमाई 
विदर्भ न्यूज एक्सप्रेस 
प्रतिनिधी / गडचिरोली :
आदिवासी विकास विभागाचे राज्यस्तरीय क्रीडा संमेलन पहिल्यांदाच गडचिरोली येथे जिल्हा प्रेक्षागार मैदानावर २९ ते ३१ जानेवारी या कालावधीत पार पडले. नागपूर विभागाने घवघवीत यश मिळवून जे विजेते पद प्राप्त़ केले, या विजयात गडचिरोली जिल्हयातील आदिवासी खेळाडूंचा सिंहाचा वाटा आहे. नागपूर विभागाने रिले रेस या सांघिक व वैयक्तिक खेळात पटकाविलेल्या ५४ सुवर्ण पदकांपैकी एकट्या गडचिरोली जिल्हयाने ४९ सुवर्ण पदके पटकावून अतुलनीय यश प्राप्त़ करुन सर्वांनाच प्रभावीत केले. नाशिक विभागाला उपविजेता पदावर समाधान मानावे लागले. 
  या क्रीडा संमेलनात राज्यातील नाशिक, ठाणे, अमरावती, नागपूर या चार विभागातील २९  प्रकल्पातील शासकीय व अनुदानित आश्रमशाळेतील १ हजार ७५७ आदिवासी खेळाडूंनी भाग घेतला होता. नागपूर विभागात नागपूर, चंद्रपूर, चिमूर, भंडारा, देवरी, गडचिरोली, अहेरी, भामरागड या आठ प्रकल्पांचा समावेश आहे. गडचिरोली जिल्ह्यातील तीनही प्रकल्पातील खेळाडूंनी सुरेख कामगीरी बजावीत नागपूर विभागाला विजेते पदाचे मोठे यश मिळवून दिले.
  या क्रीडा संमलेनात कब्बडी, खो-खो, व्हॉलीबॉल, हॅण्डबॉल,रिले या सांघिक खेळासह लांबउडी, उंचउडी, गोळाफेक, थाळीफेक, भालाफेक, धावणे या वैयक्तिक खेळांचे आयोजन केले होते. नागपूर विभागाने सांधिक खेळात प्रथम क्रमांकाचे ९० गुण, द्वीतीय ३० तर तृतीय क्रमांकाचे ३९ गुण मिळवीले. वैयक्तिक खेळात प्रथम क्रमांकाचे १७० गुण, द्वीतीय ६३ तर तृतीय क्रमांकाचे ३६ गुण अशे एकुण ४२८ गुण प्राप्त़ केले. उपविजेता नाशिक विभागाने वैयक्तिक खेळात प्रथम क्रमांकाच्या ७० गुणासह एकुण ३७६ गुण प्राप्त़ केले. नागपूर व नाशिक या दोन्ही विभागातील खेळांडूंच्या गुणामध्ये सर्वात मोठा १०० (शंभर) गुणांचा फरक म्हण़जे वैयक्तिक खेळात प्रथम क्रमांकाच्या गुणात आहे. गडचिरोली जिल्हयातील आदिवासी खेळाडू क्रीडा कौशल्यात अतिशय निपुण,चपळ, धैर्यवान व झुंजार आहेत. गडचिरोली जिल्हयात विशेष करुन भामरागड या अती दुर्गम भागातील खेळाडूंने आतापर्यंत आदिवासी विकास विभागाच्या क्रीडा संमेलनात आपला दबदबा कायम ठेवला आहे. यात हेमलकसा येथील लोकबिरादरी शाळेच्या खेळाडूंचा खेळ प्रशंशनीय व वाखाण्याजोगा आहे. या एकटया शाळेने रिले रेस या सांघिक तसेच वैयक्तिक खेळातून एकूण ३० सूवर्ण पदके पटकावून अचंबित केले.
  नागपूर विभागाने सांघिक खेळात १४ वर्षाखालील मुलांच्या व्हॉलीबॉल तर मुलींच्या कब्बडी, हॅण्ड़बॉल, ४ × १०० मीटर रिले, १७ वर्षाखालील मुलींच्या ४ × ४०० मीटर रिले, १९ वर्षाखालील मुलांच्या व्हॉलीबॉल तर मुलींच्या कब्बडी, ४ × १०० मीटर रिले, ४ × ४०० मीटर रिले स्पर्धेत प्रथम क्रमांक पटकाविला.
 वैयक्तिक खेळात गडचिरोली जिल्हयातील १४ वर्षाखालील मुलांच्या गटात ४०० मी. धावणे व थाळीफेक – वासुदेव उसेंडी, उंच्उडी- सुरज पदा, गोळाफेक - आदेश झुरे. १४ वर्षाखालील मुलींच्या गटात १०० व ६०० मी. धावणे तसेच लांबउडी – चांदणी जेट्टी, २०० मी. धावणे – पुजा पल्लो, ४०० मी.धावणे- लाली उसेंडी.
१७  वर्षाखालील मुलांच्या गटात १५०० मी. धावणे – धिरज गोटा, लांबउडी – संतोष विडपी. १७ वर्षाखालील मुलींच्या गटात १०० मी. धावणे - पिंकी आतलामी, ४०० मी. धावणे - मनिषा वड्डे, १५०० व ३००० मी. धावणे – वंदना तिम्मा, लांबउडी - शिवाणी रापंजी, उंचउडी – किरण मडावी, गोळाफेक् – सीता मडावी, भालाफेक- मिना तलांडी. 
१९  वर्षाखालील मुलांच्या गटात १०० व २०० मी. धावणे तसेच लांबउडी– विनोद तिम्मा, ४०० मी. धावणे- लच्चा वेलादी, १५०० व ३००० मी. धावणे – संदीप मडकामी. १९ वर्षाखालील मुलींच्या गटात १०० मी. धावणे- रिना मडावी, २०० मी. धावणे- संजना आत्राम, १५०० व ३००० मी. धावणे – सपना वेळधा, गोळाफेक- सविता परसा, भालाफेक – रोशनी वड्डे या खेळाडूंनी एकुण ३१ सुवर्ण पदके पटकावून नावलौकिक केले.
 नागपूर विभागाने वैयक्तिक खेळात पटकाविलेल्या एकुण ३४ (चौतीस) सुवर्ण पदकांपैकी   विजय मडावी व वर्षा पंधरे (देवरी प्रकल्प़), दिव्या कोकोडे (नागपूर प्रकल्प़) या खेळाडूंनी मिळविलेले ३ सुवर्ण पदके वगळता उर्वरीत ३१ सुवर्ण पदकांमध्ये गडचिरोली प्रकल्पाने ६, अहेरी प्रकल्पाने ४ व सर्वाधिक २१ (एकवीस) सुवर्ण पदके भामरागड प्रकल्पाने पटकाविले. सांघिक रिले रेस स्पर्धेत नागपूर विभागाने जे २० सुवर्ण पदके पटकाविली, त्यात भामरागड प्रकल्पाने सर्वाधिक १६ व गडचिरोली प्रकल्पाने ०२ तर देवरी प्रकल्पाने ०२ सुवर्ण पदके प्राप्त़ केली. नागपूर विभागाने पटकाविलेल्या एकुण ५४ सुवर्ण पदकांपैकी गडचिरोली जिल्हयाने ४९ सुवर्ण पदकांची कमाई करुन नागपूर विभागाच्या यशात मोलाची भुमिका बजावली.

या खेळाडूंनी गाजविले वर्चस्व़

 वैयक्तीक खेळात सर्वाधिक सुवर्ण पदके पटकाविणाऱ्या १४ वर्षाखालील वयोगटात भगवंतराव अनुदानित आश्रमशाळा बुर्गी येथील चांदणी जेट्टी हिने ३ तर अनुदानित माध्यमिक आश्रमशाळा चांदाळा येथील वासुदेव उसेंडी हयाने २, १७ वर्षाखालील वयोगटात लोकबिरादरी माध्यमिक आश्रमशाळा हेमलकसा येथील वंदना तिम्मा हिने २  तर १९ वर्षाखालील वयोगटात संत मानवदयाल अनुदानित आश्रमशाळा अहेरी येथील विनोद तिम्मा हयाने ३, लोकबिरादरी कनिष्ठ़ महाविद्यालय हेमलकसा येथील संदीप मडकामी हयाने २ व याच महाविद्यालयातील सपना वेळधा हिने २ सुवर्ण पदक पटकावून राज्यस्तरीय क्रीडा स्पर्धेत आपला वर्चस्व़ निर्माण केला. यातील संदीप मडकामी वगळता उर्वरीत खेळाडू यापुर्वी राज्यस्तरावर खेळलेले आहेत.

अथक परिश्रम

राज्यस्तरासारख्या उच्च़ दर्जाच्या क्रीडा स्पर्धेत तीनही दिवस राज्य़ पातळीवरील उच्च़ पदस्थ़ अधिकाऱ्यांच्या उपस्थितीमुळे सदर क्रीडा संमेलन शिस्त़बध्द़ व शानदार झाले. आदिवासी विकास विभागाच्या प्रधान सचिव मनिषा वर्मा, आयुक्त डॉ. किरण कुलकर्णी, नागपूर विभागाचे अपर आयुक्त़ हृषीकेश मोडक हे मैदानावर हजर होते. सहायक जिल्हाधिकारी व प्रकल्प़ अधिकारी डॉ. सचिन ओम्बासे यांचे कुशल मार्गदर्शन व नियोजन लाभले. तसेच मैदानावर सातत्याने हजर राहून प्रत्येक बाबींकडे त्यांनी बारकाईने लक्ष दिले. पत्रकारांचे सकारात्मक़ सहकार्य मिळाले. गेली २२ वर्षापासुन प्रसिध्दी प्रमुख सुधीर शेंडे हे आदिवासी विकास विभागात प्रसिध्दीचे काम पाहत आहेत. त्यांनी प्रसिध्दीची धुरा उत्कृष्ट़रित्या सांभाळली. सहायक प्रकल्प़ अधिकारी विकास राचेलवार, विभागीय क्रीडा समन्वयक़ संदीप दोनाडकर यांचेसह संबंधीत अधिकारी व कर्मचाऱ्यांनी संमेलनाच्या यशस्वीतेसाठी अथक परिश्रम घेतले.



  Print






News - Gadchiroli | Posted : 2019-02-06






Related Photos