साहसी कर्तव्यदक्ष युवापिढी घडविणे गरजेचे : खासदार रामदास तडस
विदर्भ न्यूज एक्सप्रेस
प्रतिनिधी / वर्धा : गेल्या अनेक वर्षापासुन आपल्या देशात विभिन्न प्रकाराचे खेळ शिकणा-या मुला मुलीच्या प्रमाणात लक्षणीय वाढ झाली आहे. ही बाब सुरक्षित व निरोगी समाजाच्या दृष्टीने अधिक महत्वाची आहे. वाढत्या गुनहेगारींना आळा घालण्याकरिता ज्युडो कराटे, लाठी-काठी, रोड फाईट, बाॅक्सींग हे अनेक खेळ विद्याथ्र्याकरिता वरदान ठरत आहे.
आजच्या असुरक्षित व आवाहानात्मक वातावरणात मुला मुलींना बालवयापासुन शालेय शिक्षणासोबतच साहस व आत्मसुरक्षेचे प्रशिक्षण देणे गरजेचे आहे. निर्भीड व्यक्तिमत्व असलेल्या मानसिकतेची नवी पिढी तयार करण्याच्या दृष्टीने अश्या प्रशिक्षणाचे धडे प्रत्येकाला दिल्यास साहसी व कर्तव्यदक्ष युवा पिढी घडविणे शक्य आहे असे प्रतिपादन खासदार रामदास तडस यांनी व्यक्त केले.
ते 23 मे रोजी शहिद हुतात्मा स्मारक येथे लाॅयन्स ट्रेडिशनल शोतोकान कराटे असोशिएशन इंडिया व्दारा आयोजीत खेळाडूच्या अभिनंदन सोहळया प्रसंगी कार्यक्रमाचे अध्यक्ष महणुन बोलत होते. याप्रसंगी अतिरीक्त पोलीस अधिक्षक डाॅ. सागर कवडे, अद्योजक मोहनबाबू अग्रवाल, आॅल इंडिया शास्त्री सोशल फोरम चे राष्ट्रीय उपाध्यक्ष इमरान राही, लाॅयन्स क्लब चे अध्यक्ष सुरेंद्र सिंग, समाजसेवी राजू लभाणे, मोहन मोहिते प्रामुख्याने उपस्थित होते.
कार्यक्रमात यशस्वी विद्याथ्र्यांचा पाहुणांच्या हस्ते सन्मान करण्यात आले. कार्यक्रम यशस्वी करण्याकरिता स्नेहा बलविर, वेंदात चैधरी, पुरब शर्मा, जयंत जानवे, आर्याण छापेकर, प्रेम कवंर, आर्याण वानखेडे, हर्षाली चैधरी आदीनी अथक परिश्रम घेतले.
कार्यक्रमाची प्रस्तावना कोशी उल्हास वाघ, संचालन अमोल मानकर तर आभार सेन्साई साहिल वाघ यांनी केले.
News - Wardha