पालकमंत्री ना. राजे अम्ब्रीशराव आत्राम , केंद्रीय जनजातीय सचिव खांडेकर यांची लोकबिरादरी प्रकल्पास सदिच्छा भेट


विदर्भ न्यूज एक्सप्रेस 
तालुका प्रतिनिधी / भामरागड :
तालुक्यातील प्रसिद्ध सेवाकेंद्र लोकबिरादरी प्रकल्पास गडचिरोलीचे पालकमंत्री तथा आदिवासी विकास व वने राज्यमंत्री  ना. राजे अम्ब्रीशराव आत्राम,  जनजातीय कार्य मंत्रालय, भारत सरकार, नवी दिल्लीचे सचिव  दिपक  खांडेकर यांनी सदिच्छा भेट दिली. याप्रसंगी डॉ. प्रकाश आमटे व डॉ.  मंदाकिनी आमटे यांचेशी विविध विषयांवर चर्चा केली. यावेळी  आदिवासी विकास विभाग, महाराष्ट्र शासनाच्या सचिव मनिषा वर्मा, गडचिरोलीचे जिल्हाधिकारी शेखर सिंह, जिल्हा पोलीस अधिक्षक शैलेश बलकवडे, मुख्य कार्यकारी अधिकारी डॉ. विजय राठोड, सहा.जिल्हाधिकारी तथा गडचिरोलीचे प्रकल्प अधिकारी डॉ. सचिन ओंम्बासे इत्यादी मान्यवर उपस्थित होते.
 १ फेब्रुवारी २०१९ ला पालकमंत्री तथा आदिवासी विकास व वने राज्यमंत्री  ना. राजे अम्ब्रीशराव आत्राम , जनजातीय कार्य मंत्रालय, भारत सरकारचे सचिव दिपक  खांडेकर हे भामरागडच्या औद्योगिक प्रशिक्षण संस्थेच्या इमारत उद्घाटन व लोकार्पण सोहळ्यासाठी विशेष अतिथी म्हणून आले होते. लोकबिरादरी प्रकल्पात त्यांचे सकाळी १०  वाजता हेलीकँप्टरने  आगमन झाले. त्यानंतर त्यांनी डॉ. प्रकाश आमटे व डॉ.  मंदाकिनी आमटे यांची सदिच्छा भेट घेतली. यावेळी आमटे दांम्पत्यांशी   सविस्तर चर्चा केली.यानंतर लोकबिरादरी दवाखान्याचे प्रमुख डॉ. दिगंत आमटे, प्रकल्पाचे संचालक अनिकेत आमटे, आश्रम शाळेच्या व्यवस्थापिका  समिक्षा आमटे यांनी प्राणी अनाथालय,संगणक कक्ष,आश्रम शाळा,ग्रंथालय, गोटुल,बांबू हस्तकला,हाँस्पीटल इत्यादींची प्रत्यक्ष माहिती दिली.यावेळी आश्रम शाळेच्या विद्यार्थिनींनी पालकमंत्री व सर्व अधिकाऱ्यांचे पुष्पगुच्छ देऊन स्वागत केले. प्रकल्पाची माहिती जाणून घेऊन सचिव दिपक खांडेकर,पालकमंत्री ना.अम्बरीशराव आत्राम व सर्व अधिकाऱ्यांनी समाधान व्यक्त केले.आमटे परिवाराच्या सेवेची स्तुती करीत शुभेच्छा दिल्या. यावेळी भामरागडचे तहसीलदार कैलास अंडील, उपविभागिय पोलीस अधिकारी तानाजी बरडे,प्रकल्प अधिकारी निरज मोरे इत्यादी अधिकारी उपस्थित होते.



  Print






News - Gadchiroli | Posted : 2019-02-02






Related Photos