आदिवासी खेळाडूंमध्ये राष्ट्रीय व आंतरराष्ट्रीय स्तरावर नावलौकिक करण्याची क्षमता आहे : प्रधान सचिव मनिषा वर्मा


- सुधीर शेंडे यांनी घेतली मुलाखत 
विदर्भ न्यूज एक्सप्रेस 
प्रतिनिधी / गडचिरोली :
आदिवासी खेळाडू क्रीडा कौशल्य गुणांनी निपूण आहेत. आदिवासी विकास विभागाच्या माध्यमातून त्यांच्यातील क्रीडागुण तथा कौशल्य तपासणी करून योग्य प्रशिक्षण देता येईल. त्यांच्या सर्वांगीण विकासासाठी आदिवासी विकास विभागाकडून योग्य दिशेने प्रयत्न सुरू आहेत. भविष्यात हे खेळाडू मोठ्या प्रमाणात राष्ट्रीय व आंतरराष्ट्रीय स्तरावर चमकणार आहेत. त्यांच्या क्रीडा क्षमतेबाबत मला शंका नाही, असा दृढ आशावाद राज्याच्या आदिवासी विकास विभागाच्या प्रधान सचिव मनिषा वर्मा यांनी व्यक्त केला.
सुधीर शेंडे यांनी घेतलेल्या आपल्या छोटेखानी मुलाखतीत त्या पुढे म्हणाल्या,  आदिवासी विकास विभागाने राज्यस्त्‍रीय क्रीडा संमेलन उत्कृष्टरित्या गडचिरोली येथील प्रेक्षागार मैदानावर आयोजित केले आहे. आमच्यासाठी व जिल्हयासाठी ही बाब गौरवाची आहे. खेळ कौशल्य, खेळाच्या माध्यमातून त्यांच्यातील आत्मविश्वास, नेतृत्व, टीमवर्क असे गूण विकसित करण्यासाठी आदिवासी विकास विभाग सातत्याने प्रयत्नशील आहे.
आश्रमशाळेत शिकणारे आदिवासी विद्यार्थी केवळ राज्यपातळीवरच नव्हे, तर राष्ट्रीय व आंतरराष्ट्रीय स्तरावर देशाचे नाव रोशण करतील, असा मला विश्वास आहे. आदिवासी विकास विभागाच्या राज्यस्तरीय क्रीडास्पर्धा प्रथमच गडचिरोली जिल्हयात होत आहे, या बददल त्यांनी शीस्तबदध आयोजनाची प्रशंसा केली.
 आज बुधवार ३० जानेवारी रोजी क्रीडा संमेलनाच्या दुसया दिवशी प्रधान सचिव मनिषा वर्मा यांचे गडचिरोली येथे आगमन झाले. त्यांनी येथील जिल्हा प्रेक्षागार मैदानावर सुरू असलेल्या राज्यस्तरीय क्रीडा संमेलनातील खेळांचा मनमुराद आनंद घेतला.
यावेळी त्यांच्यासोबत आदिवासी विकास विभागाचे आयुक्त डॉ किरण कुलकर्णी, नागपूर विभागाचे अपर आयुक्त हृषिकेश मोडक, उपसचिव सु. ना. शिंदे, उपसचिव लक्ष्मीकांत डोके, आदिवासी बांधकाम कक्ष मंत्रालय मुंबईचे मुख्य अभियंता राजेश खटके, सहाय्यक जिल्हाधिकारी तथा गडचिरोचे प्रकल्प अधिकारी डॉ.सचिन ओम्बासे, सहाय्यक जिल्हाधिकारी तथा अहेरीच्या प्रकल्प अधिकारी इंदुराणी जाखड, चिमूरचे प्रकल्प अधिकारी केशव बावनकर, भामरागडचे प्रकल्प अधिकारी निरज मोरे, सहायक प्रकल्प अधिकारी विकास राचेलवार, श्रीकांत धोटे, निलय राठोड उपस्थित होते.  
राज्यस्त्‍रीय क्रीडा संमेलनाचे बक्षीस वितरण व समारोपीय कार्यक्रम गुरूवार ३१  जानेवारीला सांय ५  वाजता होणार आहे. बक्षीस वितरण आदिवासी विकास मंत्री ना. विष्णू सवरा यांच्या हस्ते होणार असून आदिवासी विकास व वने राज्यमंत्री तथा जिल्हयाचे पालकमंत्री ना. अम्ब्रीशराव आत्राम अध्यक्षस्थानी  राहणार आहे. समारोपीय कार्यक्रमाला प्रमुख अतिथी म्हणून भारत सरकार आदिवासी कल्याण  मंत्रालयाचे सचिव दिपक खांडेकर, आदिवासी विकास विभागाच्या प्रधान सचिव मनिषा वर्मा, जिल्हाधिकारी शेखर सिंह, जिल्हा पोलीस अधिक्षक शैलेष बलकवडे, जि. प. मुख्य कार्यकारी अधिकारी डॉ. विजय राठोड उपस्थित राहणार आहे. या क्रीडा संमेलनात कबडडी, खोखो, व्हॉलीबॉल, हॅण्डबॉल या सांघिक खेळांसह वैयक्तिक खेळांचे १४, १७ , व  १९ वयोगटात आयोजन करण्यात आले आहे.सदर क्रीडा संमेलन उत्साहाने सुरू आहे.



  Print






News - Gadchiroli | Posted : 2019-01-30






Related Photos