खेळाडूने विशेष गूण आत्मसात करून सर्वांगीण विकास साधावा : आयुक्त डॉ. किरण कुलकर्णी


-  राज्यस्तरीय क्रीडा संमेलनाचे थाटात उद्घाटन
विदर्भ न्यूज एक्सप्रेस 
प्रतिनिधी / गडचिरोली :
आदिवासी विकास विभागाच्या राज्यस्तरीय क्रीडास्पर्धा प्रथमच गडचिरोली जिल्हयात होत आहे, याचा मला आनंद झाला आहे. उदघाटन समारंभामध्ये सादर केलेल्या सांस्कृतिक कलाकृतींची शीस्त वाखाणन्याजोगी आहे. हा सोहळा अतिशय उत्कृष्टरित्या आयोजित केल्यामुळे बारकाईने विचार करता राज्यस्तरीय क्रीडास्पर्धेसाठी लागणारी क्षमता गडचिरोली जिल्हयामध्ये आहे हे आता सिद्ध झाले आहे. नागपूर विभागासाठी ही अभिमानाची बाब आहे. क्रीडा शिक्षकांच्या मार्गदर्शनाखाली खेळाबद्दल विशेष गुण आत्मसात करून सर्वांगीण विकास  साधावा. खेळाडूंनी आपल्यातील उत्कृष्ट गुण देण्याचा प्रयत्न करावा. खेळातील खेळाडूवृत्ती व शीस्तीचे पालन करावे असे प्रतिपादन आदिवासी विकास विभागाचे आयुक्त डॉ. किरण कुलकर्णी यांनी केले. 
 आदिवासी विकास विभागाचे राज्यस्तरीय क्रीडा संमेलन गडचिरोली येथील जिल्हा प्रेक्षागार मैदानावर २९ ते ३१ जानेवारी दरम्यान आयोजित केलेले आहे. या संमेलनाच्या उद्घाटन समारंभाच्या अध्यक्ष स्थानावरुन ते बोलत होते.
 जिल्हापरिषद अध्यक्षा योगीताताई भांडेकर यांच्या हस्ते क्रीडाज्योत प्रज्वलित करुन उद्घाटन झाले.  यावेळी  बोलताना योगिताताई भांडेकर म्हणाल्या,  मागीलवर्षी याच मैदानावर अत्यंत उत्कृष्टरित्या विभागीय क्रीडा स्पर्धा गडचिरोली प्रकल्पाच्या आयोजनाखाली पार पडल्या. याचीच फलश्रृती म्हणून आदिवासी विकास व वने राज्यमंत्री तथा जिल्हयाचे पालकमंत्री ना. राजे अम्ब्रीशराव आत्राम तसेच जिल्हयातील आदिवासी विकास विभागातील अधिकाऱ्यानी केलेल्या चांगल्या कामामुळे जिल्हयात खेचून आणल्याबददल  अभिनंदन करते.  मुक्तीपथाद्वारे दिलेल्या व्यसनमुक्ती शपथेची सर्वानी पालन करण्याचा निर्धार करावा. जिल्हयातील आदिवासी विद्यार्थ्यांनी केंद्र तसेच राज्य सरकारच्या चांगल्या योजनांचा फायदा घ्यावा. आदिवासी खेळाडूने राज्य व राष्ट्रीय स्तरावर नाव लौकिक करावा, असेही भांडेकर म्हणाल्या.  
याप्रसंगी बोलताना अपर आयुक्त हृषीकेश मोडक म्हणाले,  मिशन शौर्य १ मध्ये चंद्रपूरच्या आदिवासी विद्यार्थ्यानी देशात नाव लौकिक केले. आदिवासी विद्यार्थ्यांसाठी यापुढे मिशन शौर्य २ अंतर्गत नाव लौकिक करण्यासाठी संधी आहे. आदिवासी खेळाडूंना प्रोत्साहित करण्यासाठी आदिवासी विकास विभाग नेहमीच पुढे असते. आदिवासी खेळाडू क्रीडागुण व कौशल्याने निपूण आहे. जिल्हयात पहिल्यांदाच राज्यस्तरीय क्रीडास्पर्धेचे आयोजन केले आहे ही आमच्यासाठी गौरवाची बाब आहे. 
 याप्रसंगी जिल्हाधिकारी शेखर सिंह, नगराध्यक्ष योगिताताई पिपरे, यांनीही मार्गदर्शन केले.  उद्घाटन समारंभाच्या व्यासपीठावर प्रमुख अतिथी म्हणून अमरावती विभागाचे अपर आयुक्त प्रदीपचंद्रन, अतिरीक्त पोलीस अधीक्षक मोहितकुमार गर्ग , सहाय्यक जिल्हाधिकारी तथा गडचिरोलीचे प्रकल्प अधिकारी डॉ.सचिन ओम्बासे , सहाय्यक जिल्हाधिकारी तथा अहेरीचे प्रकल्प अधिकारी इंदुराणी जाखड, सहाय्यक जिल्हाधिकारी तथा चंद्रपूरचे प्रकल्प अधिकारी योगेश कुंभेजकर, सहाय्यक जिल्हाधिकारी तथा भंडाराचे प्रकल्प अधिकारी डॉ. श्रीकृष्णनाथ पांचाळ, चिमूरचे प्रकल्प अधिकारी केशव बावनकर, नागपूरचे प्रकल्प अधिकारी दिगांबर चौहान, देवरीचे प्रकल्प अधिकारी जितेंद्र चौधरी, भामरागडचे प्रकल्प अधिकारी निरज मोरे, गडचिरोलीचे जिल्हा क्रीडा अधिकारी चंद्रदीप शिंदे, नाशिक आयुक्त कार्यालयातील लोमेश सलामे, वर्षा सानप, के. पी. बारवकर,डी. आर. गुजर, अनिल महाजन, सुनील चौधरी , सहायक प्रकल्प अधिकारी के. के. गांगुर्डे,  जिल्हा परिषदेचे कृषी सभापती नाना नाकाडे, जिल्हा परिषद सदस्या लता पुंघाटे ,आदिवासी सेवक तथा नगरसेवक प्रमोद पिपरे, गडचिरोलीचे सहायक प्रकल्प अधिकारी विकास राचेलवार, श्रीकांत धोटे, निलय राठोड व इतर मान्यवर उपस्थित होते. मान्यवारांचे स्मृतीचिन्ह व पुष्पगुच्छ देवून जोरदार स्वागत करण्यात आले.
उद्घाटन समारंभाप्रसंगी सर्वप्रथम नाशिक, ठाणे, अमरावती तथा नागपूर या चारही विभागातील एक हजार सातशे सत्तावन खेळाडूंनी मान्यवरांना मानवंदना दिली. त्यानंतर महाराष्ट्र व आदिवासी संस्कृतीचे दर्शन घडविणारी झांकी व देखावे उपस्थितांचे आकर्षण ठरले. वनसंपदा झाकी आदिवासी बांबू नृत्य, लेझीम, वासुदेव कला, शिवाजी महाराज पोवाडा, पंढरीची वारी, गोंधळ, भारुड, भांगडा, कोळी नृत्य, भजन, किर्तन आदी कलाकृतीद्वारे नागपूर विभागातील आदिवासी मुला-मुलींनी उपस्थितांची  मने जिंकली  खेळाडूना नेहा हलामी हिने शपथ दिली. तसेच व्यसनमुक्तीपथ चे उपसंचालक संतोष सावळकर यांनीही  खेळाडू व उपस्थितांना खर्रा, दारू व व्यसनमुक्ती संकल्पनेची शपथ दिली.
१९ वर्षीय मुलांचा कबड्डीचा उद्घाटनीय सामना नाशिक व अमरावती विभागात रंगला. यात नाशिक विभागाने बाजी मारली.  कार्यक्रमाचे प्रास्ताविक नागपूर विभागाचे अपर आयुक्त हृषिकेश मोडक यांनी केले. संचालन अनिल सोमनकर तर डॉ सचिन ओम्बासे यांनी उपस्थितांचे आभार मानले.
कार्यक्रमाच्या यशस्वितेसाठी सहायक प्रकल्प अधिकारी ए. आर. शिवणकर, आर. के. लाडे, आर. एम. पत्रे, वंदना महल्ले, कार्यालय अधिक्षक डि. के. टिंगुसले, रामेश्वर निंबोळकर, विभागीय क्रीडा समन्वयक संदीप दोनाडकर, प्रभू साधमवार, सुधीर शेंडे, मदन टापरे, सुधाकर गौरकर, प्रमोद वरगंटीवार,  चंदा कोरचा, निर्मला हेडो, प्रिती खंडाते, लुमेशा सोनेवाणे, प्रतिमा बानाईत, शारदा पेंदापल्ली, संतोषी खेवले व नागपूर विभागातील संबंधित कर्मचाऱ्यांनी परिश्रम घेतले. 



  Print






News - Gadchiroli | Posted : 2019-01-30






Related Photos