उद्यापासून गडचिरोली येथे राज्यस्तरीय क्रीडा स्पर्धेचे आयोजन


विदर्भ न्यूज एक्सप्रेस 
प्रतिनिधी /  गडचिरोली :
आदिवासी विकास विभागाच्या राज्यस्तरीय क्रीडा संमेलनाचे उद्घाटन उद्या २९ जानेवारी रोजी गडचिरोली येथील जिल्हा प्रेक्षागार मैदानावर आदिवासी विकास मंत्री विष्णु सावरा यांच्या शुभ हस्ते होत आहे.  कार्यक्रमाचे अध्यक्ष म्हणून जिल्हयाचे पालकमंत्री तथा आदिवासी विकास व वने राज्यमंत्री राजे अम्ब्रीशराव आत्राम उपस्थित राहणार आहेत. 
क्रीडा संमेलनाचे उद्घाटन २९ जानेवारीला सकाळी ९ वाजता  होईल.  यावेळी  प्रमुख अतिथी म्हणून जिल्हा परिषद अध्यक्ष योगिता भांडेकर, खासदार अशोक नेते,  विधानपरिषद सदस्य- आमदार रामदास आंबटकर, नागो गाणार, अनिल सोले, आमदार डॉ. देवराव होळी, कृष्णा गजबे, नगराध्यक्ष यागिता  पिपरे तर विशेष अतिथी म्हणून आदिवासी विभागाचे प्रधान सचिव मनिषा वर्मा, विभागीय आयुक्त संजीव कुमार, जिल्हाधिकारी शेखर सिंह  यांची उपस्थित रहाणार आहे. याप्रसंगी विशेष  आमंत्रित म्हणून एशियन गेम चॅम्पीयन, अर्जुन पुरस्कार प्राप्त, ऑलम्पिक धावपटू ललीता बाबर हया असतील.
 आदिवासी विकास मंत्री विष्णु सावरा यांच्या हस्ते गुरुवार दिनांक ३१ जानेवारी  रोजी  सायंकाळी ५ वाजता बक्षीस वितरण होईल. या कार्यक्रमाचे अध्यक्ष म्हणून पालकमंत्री राजे अम्ब्रीशराव आत्राम हे राहणार आहेत.  याप्रसंगी आदिवासी कल्याण विभागाचे सचिव दिपक खांडेकर ( भारत सरकार), आदिवासी विकास विभागाचे प्रधान सचिव मनिषा वर्मा, जिल्हाधिकारी शेखर सिंह, मुख्य कार्यकारी अधिकारी डॉ. विजय राठोड उपस्थित राहणार असल्याची माहिती सहाय्यक जिल्हाधिकारी तथा प्रकल्प अधिकारी  डॉ. सचिन ओम्बासे यांनी दिली आहे.



  Print






News - Gadchiroli | Posted : 2019-01-28






Related Photos