महत्वाच्या बातम्या

लगाम येथे शासकीय योजनांची जत्रा कार्यक्रमाचे आयोजन

- आमदार धर्मरावबाबा आत्राम यांच्या हस्ते उद्घाटन
- पाच हजार दाखल्यांचे वाटप करण्यात आले

विदर्भ न्यूज एक्सप्रेस
तालुका प्रतिनिधी / मूलचेरा : मूलचेरा तालुक्यातील लगाम येथे शासकीय योजनांची जत्रा कार्यक्रमाचे आयोजन करण्यात आले होते. आयोजित कार्यक्रमाचे उद्घाटक म्हणून अहेरी विधानसभा क्षेत्राचे आमदार धर्मरावबाबा आत्राम हे होते. तर कार्यक्रमाचे अध्यक्षस्थानी उपविभागीय अधिकारी उत्तम तोडसाम, प्रभारी तहसीलदार सर्वेश मेश्राम नायब तहसीलदार राजेंद्र मेश्राम, नायब तहसीलदार करिश्मा चौदरी, तसेच विविध विभागातील अधिकारी यावेळी उपस्थित होते. महाराजस्व अभियाना अंतर्गत शासनाच्या विविध विभगांमार्फत योजना राबविल्याजात आहेत. या योजनांची माहिती घेऊन जास्तीत - जास्त नागरिकांनी याचा लाभ घ्यावा असे आवाहन आमदार धर्मरावबाबा आत्राम हे उद्घाटन स्थानावरून करत होते.

आयोजित कार्यक्रमांतर्गत २० ते २५ गावातील नागरिकांनी लाभ घेतला होता. सदरच्या कार्यक्रमात चार ते पाच हजार दाखल्यांचे वितरण करण्यात आले. तसेच शिष्यवृत्ती परीक्षेत उत्तीर्ण झालेल्या विद्यार्थ्यांना बक्षीस देऊन त्यांचा सन्मान करण्यात आला. शाळेकरी विद्यार्थ्यांना सायकल वितरण करण्यात आले. आयोजित कार्यक्रमाचे संचालन लगामचे तलाठी रितेश चिदमवार यांनी केले.