शेतकऱ्यांचे दिवसा वीजपुरवठा मिळण्याचे स्वप्न साकार करणार मुख्यमंत्री सौर कृषिपंप योजना


- मुख्यमंत्री सौर कृषिपंप योजनेत मार्च अखेरपर्यन्त ५० हजार शेतकऱ्यांना वीजजोडणी द्यावी - ऊर्जामंत्री ना.  चंदशेखर बावनकुळे
- शेतकऱ्यांना मार्गदर्शक पुस्तिकेचे प्रकाशन
विदर्भ न्यूज एक्सप्रेस 
प्रतिनिधी / गडचिरोली : 
मुख्यमंत्री सौर कृषिपंप योजनेत मार्च २०१९ अखेरपर्यन्त ५० हजार शेतकऱ्यांना वीजजोडणी द्यावी. आदिवासी भागात वीजजोडणीची मागणी करणाया सर्व शेतकऱ्यांना प्राधान्याने वीजजोडणी द्यावी. तसेच या योजनेच्या प्रभावी अंमलबजावणीसाठी पालकमंत्री, जिल्हापरिषद अध्यक्ष व स्थानिक लोकप्रतिनिधींशी प्रत्यक्ष संपर्क साधावा, असे निर्देश ऊर्जामंत्री ना. चंद्रशेखर बावनकुळे यांनी नागपूर येथे दिले. यावेळी त्यांच्याहस्ते शेतकऱ्यांसाठी तयार करण्यात आलेल्या मार्गदर्शक पुस्तिकेचे प्रकाशनही करण्यात आले. ही मार्गदर्शन पुस्तिका शेतकऱ्यांसाठी अत्यंत उपयुक्त ठरेल, असा विश्वास उर्जामंत्री यांनी व्यक्त केला.
    या प्रकाशन समारंभात प्रधान सचिव (ऊर्जा)   अरविंद सिंह व महावितरणचे अध्यक्ष व व्यवस्थापकीय संचालक  संजीव कुमार व्हिडीओ कॉन्फेरेसिंगच्या माध्यमातून सहभागी झाले होते. याप्रसंगी  संजीव कुमार यांनी योजनेच्या यशस्वीतेसाठी व शेतकऱ्यांना ऑनलाईन अर्जाच्या संदर्भात मदत करण्यासाठी स्थानिक कार्यालयात एका पूर्णवेळ अधिकायाची नियुक्ती करावी, असे निर्देश सर्व मुख्य अभियंत्यांना दिले.
शेतकऱ्यांसाठी तयार करण्यात आलेल्या मार्गदर्शन पुस्तिकेत योजनेबाबतची संपूर्ण माहिती, पात्र लाभार्थ्यांसाठी अर्ज करण्याची पध्दत, अर्जासोबत आवश्यक कागदपत्रांची माहिती, कृषिपंप लावण्यासाठी जागेच्या निवडीबाबतची माहिती, सौर कृषीपंप लावण्याचे फायदे तसेच त्यासाठी अर्जदाराने भरावयाची रक्कम इत्यादि महत्वपूर्ण माहिती देण्यात आली आहे. यासोबतच शेतकऱ्यांच्या मनात आलेल्या विविध शंकांचे निरसन माहिती पुस्तिकेद्वारे करण्यात येईल.
 उच्चदाब वीजवितरण प्रणालीनुसार शेतकऱ्यांच्या कृषिपंपांना वीजपुरवठा करण्यासाठी ज्याठिकाणी २ लाख ५० हजार रूपयापेक्षा जास्त खर्च होणार आहे. अषाठिकाणी पारेषणविरहित सौरकृषिपंपांच्याद्वारे वीजपुरवठा देण्यात येणार आहे. पैशांचा भरणा करून प्रलंबित असणारे परंतु ज्यंानी उच्चदाब वितरण प्रणालीद्वारे वीजपुरवठा देणे षक्य नाही अषा सुमारे ५० हजार शेतकऱ्यांना वीजपुरवठा उपलब्ध करून देण्यात येणार आहे.शेतकऱ्यांच्या सोईच्या दृष्टीने त्याठिकाणी दोन एलईडी बल्ब, मोबाईल व बॅटरी चार्जींग करीता साॅकेट बसवून देण्यात येणार आहे. तसेच शेतकऱ्यांना शेतीसाठी दिवसा वीजपुरवठा मिळावा व पारंपारीक पध्दतीने देण्यात येणाऱ्या वीजपुरवठयासाठी लागणाऱ्या खर्चात बचत व्हावी या उद्देशाने मुख्यमंत्री सौर कृषिपंप योजणा राबविण्यात येणार आहे. या योजनेअंतर्गत पुढील तीन वर्षात १ लाख सौर कृषिपंप बसविण्यात येणार असून पहिल्या टप्प्यात २५ हजार सौर कृषिपंप, दुसऱ्या टप्प्यात ५० हजार सौर कृषिपंप व तिसऱ्या टप्प्यात २५ हजार सौर कृषिपंप देण्याचे उद्दीष्ट आहे. पैषाचा भरणा करून प्रलंबित असणाऱ्या ज्या शेतकऱ्यांकडे जलस्त्रोत आहे परंतु नजिकच्या काळात त्याठिकाणी पारंपारीक पध्दतीने वीजजोडणी देणे शक्य  नाही अशा अतिदुर्गम व इतर भागातील शेतकऱ्यांना प्राधान्याने वीजपुरवठा करण्यात येईल.
  राज्यातील शेतकऱ्यांना दिवसाही सिंचनासाठी वीज उपलब्ध व्हावी, यासाठी राज्य सरकारने मुख्यमंत्री सौर कृषिपंप योजना जाहीर केली असून या योजनेची अंमलबजावणी महावितरणतर्फे करण्यात येत आहे. शेतकऱ्यांना कृषिपंपाकरिता वीजजोडणी घेण्यासाठी महावितरणच्या वेबसाईटवर स्वतंत्र पोर्टल उपलब्ध करून देण्यात आले असून त्याचा लाभ घेत २३ जानेवारी २०१९ पर्यन्त राज्यातील सुमारे २ हजार १९० शेतकऱ्यांनी सौर कृषिपंपासाठी अर्ज केले आहेत. चंद्रपूर परिमंडळातील- चंद्रपूर मंडलातील ६  तर गडचिरेाली मंडलातील १५ अर्ज प्राप्त झाले आहे. या संधीचा लाभ जास्तीत जास्त शेतकऱ्यांनी घ्यावा, असे आवाहन महावितरणने केले आहे.



  Print






News - Gadchiroli | Posted : 2019-01-24






Related Photos