महत्वाच्या बातम्या

अवैधरीत्या शस्त्र बाळगणाऱ्या आरोपीला अटक : स्थानिक गुन्हे शाखा नागपुर ग्रामीण ची कारवाई

विदर्भ न्यूज एक्सप्रेस
प्रतिनिधी / नागपूर : ०८ मे २०२३ रोजी स्थानिक गुन्हे शाखेचे पथक पोलीस स्टेशन खापरखेडा हद्दीत पेट्रोलिंग करीत असता गुप्त बातमीदारांकडुन माहिती मिळाली की, पोलीस स्टेशन खापरखेडा हद्दीत सिल्लेवाडा येथे राहणारा सुरेश प्रजापती हा आपल्या जवळ अवैधरीत्या अग्नीशस्त्र (माऊजर) बाळगून रात्री दरम्यान काहीतरी गंभीर गुन्हा करण्याचे उद्देशाने मोटार सायकलने फिरत आहे. यावरून आरोपी सुरेश बिजावर प्रजापति वय ३५ वर्ष, सिल्लेवाडा याला नाकाबंदी करून त्याला थांबवुन त्याची पंचाचे समक्ष अंगझडती घेतली असता त्याच्या ताब्यातून १) एक माऊजर दौन कारतूस सह मिळुन आला. सदर हत्यारा बाबत आरोपीला परवाना विचारला असता त्याच्या जवळ कोणत्याही प्रकारचे कागदपत्रे मिळुन आले नाही. आरोपीच्या ताब्यातून १) एक माऊजर दोन कारतूस सह किंमती अंदाजे ४०,०००/-रु. २) दोन कारतूस किमती अंदाजे २०००/-रु. ३) एक मोटारसायकल किमती अंदाजे १५,०००/- रु. असा एकूण ५७००० /- रुपयाचा मुद्देमाल जप्त करून आरोपीविरुद्ध पोलीस स्टेशन खापरखेडा येथे कलम ३, २५ ऑर्म ॲक्ट अन्वये गुन्हा नोंद करण्यात आला आहे.

सदरची कार्यवाही नागपुर ग्रामीणचे पोलीस अधीक्षक विशाल आनंद, अपर पोलीस अधीक्षक डॉ. संदिप पखाले यांचे मार्गदर्शनात परी पोलीस अधिक्षक अनिल मास्के, परी पोलीस उपअधीक्षक राहुल झालटे, स्थानिक गुन्हे शाखेचे पोलीस निरीक्षक ओमप्रकाश कोकाटे, सहायक पोलीस निरीक्षक अनिल राऊत, पोलीस हवालदार विनोद काळे, नाना राऊत, इकबाल शेख, पोलीस नायक विरु नरह, मोनू शुक्ला यांचे पथकाने केली.