महत्वाच्या बातम्या

 सिंदेवाही : स्मशानभूमीत अंत्ययात्रेत मधमाशांचा हल्ला, ४० नागरिक जखमी


विदर्भ न्यूज एक्सप्रेस 

तालुका प्रतिनिधी / सिंदेवाही : सिंदेवाही येथील स्मशानभूमीत  मधमाशांनी हल्ला केल्याने अंत्ययात्रेतील ४० नागरिक जखमी झाले. 

माहितीनुसार सिंदेवाही शहरातील महाकाली नगरी परिसरात राहणारे राजू मार्तंडवार यांचे निधन झाले. यांची प्रेतयात्रा दुपारी स्मशानभूमी येथे अंत्यसंस्कार करिता नेण्यात आली. स्मशानभूमीतील सरण रचले गेले व विधी सुरु झाली होती त्यानंतर मृतकाच्या प्रेताला अनी द्यायची बाकी असताना दुपारी अंदाजे १:०० वाजता दरम्यान मधमाशांनी हल्ला केला.

स्मशानभूमीत अंत्यसंस्कारासाठी गेलेल्या नातेवाईक व नागरिक, महिला, लहान मुले हल्ला झाल्याने वाटेल तसे पळ काढला होता काही नातेवाईकांवर मधमाशांनी हल्ला केल्याने जखमी झाले. मृतकाचे सरनावरचे रचलेले प्रेत तसेच ठेवलेले होते. सर्वांनी मिळेल तिथे आसरा घेतला व वाहने सोडून लांबवर उभे राहून लक्ष देत राहिले.

ग्रामीण रुग्णालयात ४० जखमींना उपचाराकरिता भरती करण्यात आले. मधमाशांनी हल्ला केल्याने काटे रुतलेले ते काढण्यात आले. नंतर स्मशानभूमीतील अंत्यसंस्कार दुपारी ४:०० वाजता करण्यात आले.





  Print






News - Chandrapur




Related Photos