महत्वाच्या बातम्या

अग्निवीर सैन्य भरती मेळावा आयोजित

विदर्भ न्यूज एक्सप्रेस

प्रतिनिधी / नागपूर : जिल्ह्यात अग्निवीर सैन्य भरती मेळाव्याचे आयोजन करण्यात आले आहे. मानकापूर येथील विभागीय क्रीडा संकुलात १० ते १७ जून या कालावधीत ही भरती प्रक्रिया आयोजित करण्यात येणार आहे.

अग्निवीर सैन्यभरती संदर्भात २ मे ला निवासी उपजिल्हाधिकारी विजया बनकर यांच्या अध्यक्षतेखाली सैन्यभरती संदर्भातील आढावा बैठकीचे आयोजन करण्यात आले होते.

यावेळी नागपुरच्या सैन्य भरती कार्यालयाचे संचालक कर्नल आर. जगथ नारायण, जिल्हा सैनिक कल्याण अधिकारी मेजर डॉ. शिल्पा खरपकर यांच्यासह संबंधित वरिष्ठ अधिकारी उपस्थित होते. बुलढाणा वगळता विदर्भातील दहा जिल्हातील युवकांना या सैन्य भरती मेळाव्यात सहभागी होता येणार आहे. या सैन्य भरती प्रक्रियेसाठी आनलाईन अर्ज प्रक्रिया राबविण्यात आली. १७ एप्रिल ते ४ मेपर्यंत परीक्षेचे आयोजन तर या परीक्षेचा निकाल २० मे रोजी जाहीर करण्यात येईल. परीक्षेत उत्तीर्ण उमेदवारच १० ते १७ जून या कालावधीत होणाऱ्या सैन्य भरती मेळाव्यात सहभागी होऊ शकतील.