संशोधन हे नाविण्याचे आणि शोधाचे शास्त्र आहे : व्यास


- गोंडवाना विद्यापीठात अविष्कार -२०१८ , राज्यातील २० विद्यापीठांचा सहभाग 
विदर्भ न्यूज एक्सप्रेस 
प्रतिनिधी/  गडचिरोली :
शास्त्रातील संशोधनामुळे मानवी समाजाच्या अनेक  गरजा पुर्ण होत आहेत. मुख्य संशोधन हे जास्त महत्वाचे असते, कारण ते
ज्ञाननिर्मितीचे माध्यम आहे. संशोधन हे नाविण्याचे आणि शोधाचे शास्त्र आहे  असे प्रतिपादन  ऑटोमिक एनर्जी कमिशनचे चेअरमॅन व्यास यांनी केले. 
स्थानीक गोंडवाना विद्यापीठात  १५ जानेवारी रोजी आयोजित राज्यस्तरीय अविष्कार -२०१८ च्या उद्धाटनप्रसंगी मार्गदर्शन करताना ते बोलत होते.
कार्यक्रमाच्या अघ्यक्षस्थानी गोंडवाना विद्यापीठाचे कुलगुरू डॉ. नामदेव कल्याणकर होते. प्रमुख मार्गदर्शक म्हणुन भाभा ऑटोमिक रिसर्च सेंटरचे  असोसिएट डायरेक्टर पी. आर. पाटील तर प्रमुख अतिथी म्हणुन प्र-कुलगुरू डॉ. सुनिल पाटील,निरीक्षण समितीचे सदस्य डॉ. आर.गुरव,वित्त समितीचे डॉ. संजय शहा,डॉ. प्रशांत गावंडे, डॉ.सुहास मोराळे,गोंडवाना विद्यापीठाचे कुलसचिव डॉ. मोहुर्ले,कार्यक्रम सचिव डॉ. प्रिया गेडाम आदी मान्यवर उपस्थित होते.
मार्गदर्शन करताना व्यास पुढे म्हणाले  संशोधनाचे उगमस्थाने विद्यापीठे, महाविद्यालये आणि संशोधन संस्था आहेत. उपयोजीत संशोधानाचे महत्व सांगताना नवीन कल्पना, संकल्पना, तंत्रज्ञान या संशोधनामुळे विकसित होते आणि या   संशोधानाचे उगमस्थाने अणुसंशोधन संस्था  आहे. थॉमस एडिसन यांचे उदाहरण देतांना अपयश हे यशाचे रहस्य असुन संशोधकांनी अशा प्रकारचे प्रयत्न करणे गरजेचे आहे, असेही ते म्हणाले.  मार्गदर्शन करताना डॉ. पाटील यांनी देशाच्या विकासात अनुतंत्रज्ञानाचे योगदान मोलाचे असल्याचे सांगितले. विसाव्या शतकातील सुरूवातीचा काळ विज्ञानाचा सुवर्णकाळ समजला जातो. सन १९३२ जेम्स चाडविक यांनी न्युट्रॉनचा शोध लावला. तो अणु विज्ञानातील सर्वात महत्वाचा शोध आहे. विज्ञानाच्या विधायक वापराने औद्योगिक, विद्युत आणि वैद्यकीय क्षेत्रात विकास झाला असुन त्यांच्या विघातक वापराचे दुष्परिमाण हिरोशिमा
आणि नागासाकीच्या रूपाने बघायला मिळतात. देशात आजघडीला २७० अनुविज्ञान केंद्रे कार्यरत आहेत.  रेडीऑलॉजीच्या सहायाने कृषी क्षेत्रात क्रांतीकारी बदल करणे शक्य आहे. पाणी व्यवस्थापनामध्ये देखील याचा उपयोग होवू शकतो, असेही ते म्हणाले. समारंभाचे प्रास्ताविक विद्यापीठाचे कुलसचिव डॉ. ईश्वर मोहुर्ले यांनी केले. कार्यक्रमाचे संचालन प्रा. शिल्पा आठवले तर आभार विद्यार्थी विकास संचालक तथा कार्यक्रमाच्या सचिव डॉ. प्रिया गेडाम यांनी
मानले.यावेळी राज्याच्या विद्यापीठातील संशोधक मोठया संख्येने उपस्थित होते. 
स्थानीक गोंडवाना विद्यापीठात आजपासून आयोजित राज्यस्तरीय अविष्कार-२०१८ मध्ये राज्यातील २० विद्यापीठांनी सहभाग घेतला आहे. यामध्ये मुंबई विद्यापीठ, मुंबई, सावित्रीबाई फुले पुणे विद्यापीठ, पुणे, बहिणाबाई चौधरी उत्तर महाराष्ट्र विद्यापीठ,जळगाव, डॉ. बाबासाहेब आंबेडकर मराठवाडा विद्यापीठ, औरंगाबाद, स्वामी रामानंद तिर्थ मराठवाडा विद्यापीठ नांदेड, संत गाडगे बाबा अमरावती विद्यापीठ, अमरावती, राष्ट्रसंत तुकडोजी महाराज नागपूर विद्यापीठ नागपूर, शिवाजी विद्यापीठ कोल्हापूर, सोलापूर विद्यापीठ सोलापूर, गोंडवाना विद्यापीठ गडचिरोली, एस. एन. डी. टी. महिला विद्यापीठ मुंबई, यशवंत चव्हाण मुक्त विद्यापीठ, गडचिरोली, मुंबई यशवंतराव चव्हाण मुक्त विद्यापीठ नाशिक, डॉ. बाळासाहेब सावंत कोकण कृषी विद्यापीठ दापोली, महात्मा पुâले कृषी विद्यापीठ राहुरी,जि. अहमदनगर,डॉ. पंजाबराव देशमुख कृषी विद्यापीठ अकोला, वसंतराव नाईक कृषी विद्यापीठ परभणी,महाराष्ट्र आरोग्य विद्यान विद्यापीठ नाशिक, डॉ. बाबासोहेब आंबेडकर तंत्रज्ञान विद्यापीठ लोणारे,महाराष्ट्र पशु व मत्स्य विज्ञान विद्यापीठ नागपूर, कवि कालीदास संस्कृत विद्यापीठ रामटेक यांचा समावेश आहे.

 



  Print






News - Gadchiroli | Posted : 2019-01-16






Related Photos