सफाई कर्मचाऱ्यांच्या मुलांना स्वयंरोजगाराची संधी : दिलीप हाथीबेड


विदर्भ न्यूज एक्सप्रेस 
प्रतिनिधी / नागपूर
: सफाई कर्मचाऱ्यांच्या मुलांना आता राष्ट्रीय सफाई कर्मचारी आर्थिक विकास महामंडळाकडून  स्वयंरोजगारासाठी कर्ज उपलब्ध करून देण्यात येईल. त्यासाठी राज्य शासनाने महात्मा फुले महामंडळामार्फत 135 कोटीची शासन हमी घेतली आहे. सफाई कर्मचा-यांच्या अडचणी सोडविण्यासाठी आयोग प्रयत्नशील असल्याचे  राष्ट्रीय सफाई कर्मचारी आयोगाचे सदस्य दिलीप हाथीबेड यांनी आज सांगितले.
 विभागीय आयुक्त कार्यालयात आज घेण्यात आलेल्या आढावा बैठकीत ते बोलत होते. यावेळी विभागीय आयुक्त डॉ. संजीव कुमार, भंडारा जिल्हाधिकारी शांतनू गोयल, गोंदिया जिल्हाधिकारी डॉ.कादंबरी बलकवडे, गडचिरोली जिल्हाधिकारी शेखर सिंग, उपायुक्त संजय धिवरे, उपसंचालक नगरपालिका प्रशासन सुधीर शंभरकर यासह विभागातील अनेक वरिष्ठ अधिकारी उपस्थित होते.
 25 वर्षे सातत्याने सफाई कर्मचारी म्हणून काम केलेल्या कर्मचा-यांना डॉ.बाबासाहेब आंबेडकर श्रमसाफल्य योजनेतून घरे देण्यात येत आहेत. या योजनेची  प्रगती त्यांनी  जिल्हानिहाय प्रगती जाणून घेतली. तसेच या योजनेच्या अंमलबजावणीतील अडचणीही समजावून घेतल्यात. सफाई कर्मचारी समाजासाठी स्वच्छता सैनिक म्हणून काम करतात. अशा स्वच्छता सैनिक असलेल्या सफाई कर्मचा-यांना चांगल्या  अंमलबजावणी करण्याचे निर्देश श्री. हाथीबेड यांनी यावेळी जिल्हाधिका-यांना दिले.

 श्रमसाफल्य आवास येाजनेतील महानगरपालिका, तसेच नगर परिषद निहाय माहिती त्यांनी घेतली.

 यावेळी लाडपागे समितीने सफाई कामगारांच्या शैक्षणिक,आर्थिक व सामाजिक उन्नतीसाठी केलेल्या शिफारशीची अंमलबजावणी करण्यासाठी नगरविकास विभागाने सफाई कामगारांना त्यांच्या सेवानिवृत्तीनंतर त्यांच्या पाल्यांना वारसा हक्काने नियुक्ती देण्यात यावी, अशी सूचना त्यांनी केली. सफाई कर्मचाऱ्यांना  466 रुपये प्रती दिवस रोजदारी मिळावी. तसेच ठेकेदारी पध्दतीने करावयाची स्वच्छता कामे  बंद करावी, अशी मागणीही केंद्र शासनाला करणार असल्याचे त्यांनी सांगितले .बैठकीनंतर त्यांनी माध्यमांशी देखील संवाद साधला.



  Print






News - Nagpur | Posted : 2019-01-16






Related Photos