महत्वाच्या बातम्या

जिल्हा स्तरीय मॉन्टेक्स बॉल क्रिकेट स्पर्धा संपन्न

विदर्भ न्यूज एक्सप्रेस

प्रतिनिधी / बल्लारपूर : महात्मा ज्योतिबा फुले महाविद्यालयाच्या पटांगगनावर जिल्हा स्तरीय मॉन्टेक्स बॉल क्रिकेट स्पर्धा आज ३० एप्रिलला संपन्न झाली. या स्पर्धेचे उदघाटन महात्मा ज्योतिबा फुले महाविद्यालयाच्या गृह अर्थशास्त्र विभागाच्या विभाग प्रमुख प्राध्यापिका पटवर्धन यांच्या हस्ते झाले. यावेळी चंद्रपुर जिल्हा मॉन्टेक्स बॉल क्रिकेट एसोसिएशनच्या अध्यक्षा प्रीती निधेकर, सचिव संजय पारधी उपस्थित होते.

यावेळी चौदा वर्षाखालील मुलांच्या संघात प्रथम पुरस्कार साईबाबा ज्ञानपीठ कॉन्व्हेन्ट ने प्राप्त केला व द्वितीय पुरस्कार वीयाणी कॉन्व्हेन्ट ने प्राप्त केला. सतरा वर्ष वयोगटात प्रथम पुरस्कार दिलासाग्राम कॉन्व्हेन्ट ने प्राप्त केला तर द्वितीय पुरस्कार विद्याश्री कॉन्व्हेन्ट ने प्राप्त केला. या स्पर्धेतून जिल्हास्तरीय मॉन्टेक्स क्रिकेट टीमची निवड करण्यात येणार आहे. मान्यवारांनी सर्वांचे अभिनंदन केले.

असोसिएशन तर्फे मुलींची क्रिकेट स्पर्धा १४ मे २०२३ ला सकाळी ८:०० वाजता महात्मा ज्योतिबा फूले महाविद्यालयातिल मैदानावर होणार असल्याचे सांगितले.