उद्या मुख्यमंत्र्यांचा शेतकऱ्यांसोबत थेट लोकसंवाद


-  मोबाईल, लॅपटॉप आणि संगणकावर पाहता येणार
विदर्भ न्यूज एक्सप्रेस 
 प्रतिनिधी / नागपूर :
  कृषी विभागाद्वारे राबविण्यात येणाऱ्या विविध योजनांची यशस्वीपणे अंमलबजावणी सुरु असून या योजनाचा लाभ मिळालेल्या शेतकऱ्यांसोबत मुख्यमंत्री देवेंद्र फडणवीस थेट लोकसंवाद या कार्यक्रमाद्वारे उदया सोमवार,  १४ जानेवारी रोजी सकाळी  ११.४०  वाजता संवाद साधणार आहेत.
शेतकरी लाभार्थी व मुख्यमंत्री यांच्यात व्हिडीओ कॉन्फरन्सद्वारे थेट लाईव्ह संवाद होणार आहे. हा कार्यक्रम मोबाईल, संगणक, टॅब आणि लॅपटॉपवरही पहाता येणार आहे.
राज्य शासनाने शेतकऱ्यांसाठी आखलेल्या विविध योजनांची राज्यात यशस्वीपणे अंमलबजावणी सुरु आहे. मागेल त्याला शेततळे, सिंचन विहिरी, फळबागा, कांदा चाळ, सूक्ष्म सिंचन, कृषी यांत्रिकीकरण, स्व.गोपीनाथ मुंडे शेतकरी अपघात विमा योजना, प्रधानमंत्री पीक विमा योजना, अन्न प्रक्रिया, शेडनेट, पॉली हाऊस, छत्रपती शिवाजी महाराज शेतकरी सन्मान कर्जमाफी योजना अधिक गतीने लाभार्थ्यांपर्यंत पोहोचण्यासाठी राज्य शासनाचे प्रयत्न सुरु आहेत. मुख्यमंत्री देवेंद्र फडणवीस यांनी विविध जिल्ह्यांमध्ये आणि मंत्रालयातही या योजनांबाबत सातत्याने आढावा घेतला आहे.
 हा थेट लाईव्ह संवाद मुख्यमंत्री देवेंद्र फडणवीस यांच्या www.twitter.com/Dev_Fadnavis  या ट्विटर हॅण्डलवर तसेच www.facebook.com/devendra.fadnavis या फेसबुक पेजवर आणि  www.youtube.com/DevendraFadnavis या युट्यूब चॅनलसह माहिती व जनसंपर्क महासंचालनालयाचे ट्विटर www.twitter.com/MahaDGIPR व www.facebook.com/MahaDGIPR या फेसबुक पेजसह www.youtube.com/maharashtradgipr या युट्यूब चॅनलवर पाहता येणार आहे. त्याशिवाय http://elearning.parthinfotech.in/ या लिंकवर या कार्यक्रमाचे थेट प्रक्षेपण होणार आहे.
शासनाच्या विविध योजना गरजूंपर्यंत पोहचल्यानंतर त्यातून होणारा लाभ, त्यात येणाऱ्या अडचणी आणि आवश्यक सुधारणा याची माहिती स्वतः मुख्यमंत्री देवेंद्र फडणवीस यांनी २ जानेवारीला ‘लोकसंवाद’ साधून जाणून घेतली. या लोकसंवादाला राज्यभरातून अभूतपूर्व प्रतिसाद मिळाला. यानंतर उदया सोमवार, १४  जानेवारीला सकाळी ११.४० वाजता मुख्यमंत्री आणि लाभार्थी यांच्यात व्हिडीओ कॉन्फरन्सद्वारे ‘लोकसंवाद’ होणार आहे.



  Print






News - Nagpur | Posted : 2019-01-13






Related Photos