महत्वाच्या बातम्या

 मनपाची नाली सफाई व गाळ वाहतूक ही दोन्ही कामे ५१ लक्ष रुपयात


- नाली सफाईची सेवा तातडीने देण्याकरीता सर्विस बेस नालीसफाई निविदा

विदर्भ न्यूज एक्सप्रेस 

प्रतिनिधी / चंद्रपूर : दिपक उत्तराधी नालीसफाई कंत्राटदार यांना नालीसफाईचे कार्यादेश देऊन १५ दिवसाच्या आत काम सुरू करण्याचे सूचित केले होते. त्यानुसार कंत्राटदारांनी १६ मार्च २०२३ पासून नालीसफाईचे काम सुरू केले असता, कंत्राटी कामगारांनी काम बंद पाडले व सतत १७ दिवस नालीसफाईचे काम करू दिले नाही. त्यामुळे कंत्राटदाराने ४ एप्रिल २०२३ पासून नालीसफाईचे काम सुरू केले आहे. याआधी, सदर कंत्राट हे मनुष्यबळ पुरविण्याचे होते. त्यामुळे शहरातील सर्व नाली स्वच्छता करणे बंधनकारक नव्हते. यामुळे परिणामकारक नाली स्वच्छता होत नव्हती. तसेच निव्वळ नाली सफाईच्या कामावर मनपाचे ६७ लक्ष रुपये प्रतिमाह खर्च होत होता. तसेच नाली सफाईचा गाळ उचलण्यास प्रतिमाह २५ ते ३० लक्ष खर्च होत होता. असे एकूण सरासरी ९५ लक्ष रुपये खर्च येत होता. तरीही नाली सफाईच्या कामात मोठ्या प्रमाणात तक्रारी नागरिकांकडून येत होत्या व नागरिकांच्या नालीसफाईची सेवा तातडीने देण्याकरीता सर्विस बेस नालीसफाई निविदा महानगरपालिकेकडून प्रसिद्ध करण्यात आली.

त्यामध्ये नागरीकांच्या नालीची सफाई किमान महिन्यातून दोन वेळा करण्याची अट घालण्यात आली आहे. तसेच निघालेला गाळ ही घनकचरा वाहतूक करण्याची जबाबदारी नालीसफाई कंत्राटदारास बंधनकारक आहे. त्यामुळे नागरीकांना विहित कालावधीत नालीसफाईची कामे करून देण्यात येणार असून कंत्राटदारावर बंधनकारक आहे. याआधीचा एकूण खर्च रुपये ९५ लक्ष होणाऱ्या खर्चात ४४ लक्ष रुपयाची सरासरी बचत होऊन दोन्ही कामे फक्त ५१ लक्ष रुपये प्रतिमाह खर्चात होत आहे. त्यामुळे मनपाची आर्थिक बचत होत आहे.

तसेच कार्यरत कर्मचाऱ्यांना किमान वेतन मनपाने लागू केला आहे. मनपाने प्रत्यक्ष कामगारांसह चर्चा करून काम सुरू केले आहे. दैनंदिन नाल्याची साफसफाई आणि गाळ उचलण्यासाठी ४ एप्रिल २०२३ पासून नियमित कार्य सुरू आहे. तसेच आजपर्यंत १ हजार ३६० किलोमीटर नाल्याची सफाई कंत्राटदाराने केली आहे. तर ३२५ ट्रॅक्टर ट्रिप नाली, माती, गाळ घनकचरा प्रक्रिया प्रकल्पापर्यंत वाहतूक करण्यात आली आहे.

याआधी घनकचरा प्रकल्प येथे नाली माती ३० ते ३५ टन दररोज येत होती आता ६० ते ६५ टन नाली माती दररोज येत आहे. तरीही, नालीसफाई कामाची तक्रार असल्यास मनपाचे स्वच्छता झोन कार्यालयात किंवा मनपाच्या चांदा सिटी हेल्पलाइन क्रमांकावर संपर्क साधण्याचे आवाहन चंद्रपूर शहर महानगरपालिकेचे वैद्यकीय अधिकारी (स्वच्छता) यांनी केले आहे.





  Print






News - Chandrapur




Related Photos