महत्वाच्या बातम्या

केन्द्रीय गोलाबारुद पुलगाव येथील सिमारेषा व अप्पल तहसील कार्यालयाचा प्रश्न त्वरीत मार्गी लावा : खासदार रामदास तडस

विदर्भ न्यूज एक्सप्रेस

प्रतिनिधी / वर्धा : नाचणगाव हे गाव केंद्रीय दारुगोळा भांडार, पुलगाव, जि. वर्धा जवळ असल्याने या गावातील सुरक्षा कर्मचाऱ्यांनी कोणत्याही कायदेशीर अधिकाराशिवाय गावातील घरांचे बांधकाम तसेच खरेदी विक्री बंद केलेली आहे. ग्रामपंचायतीने सीमारेषेचे सीमांकन करण्याची विनंती केली होती, मात्र अद्याप सीमांकन रेषा करण्यात आलेली नाही, त्यामुळे नागरिकांना घरे बांधताना तसेच खरेदी व विक्री करण्यास अडचणी येत आहेत. नाचणगाव व लगतच्या परिसरातील गावात सुरू असलेल्या बांधकामास केन्द्रीय गोला बारुद भंडार पुलगांवकडून करण्यात आलेल्या मनाईमुळे जनतेमध्य संभ्रम निर्माण झालेला आहे, तसेच पुलगाव येथील अप्पर तहसील कार्यालय मंजुर असुन त्यांला मान्यता देण्याकरिता महाराष्ट्र राज्याचे उपमुख्यमंत्री देवेन्द्र फडणवीस यांच्याकडे मी सतत पाठपुरावा केला असुन परंतु प्रशासनामुळे अद्यापही काम प्रलंबीत आहे, केन्द्रीय गोलाबारुद पुलगाव सिमारेषा व अप्पल तहसील कार्यालयाचा प्रश्न त्वरीत मार्गी लावाव्या अश्या सुचना खासदार रामदास तडस यांनी उपस्थित अधिकारी वर्गाला दिले.

जिल्हाधिकारी कार्यालय वर्धा येथे पुलगाव येथील तहसील कार्यालय व केन्द्रीय गोला बारुद केन्द्र पुलगाव अंतर्गत ग्रामपंचायत नाचणगाव सिमारेषा सिमांकण संदर्भात बैठक खासदार रामदास तडस यांच्या उपस्थितीत संपन्न झाली, बैठकीला जिल्हाधिकारी राहुल कर्डीले, मुख्य कार्यकारी अधिकारी रोहन घुगे, उपविभागीय अधिकारी सुरेश बगळे, उप वनसंरक्षक राकेश सेपट, उपजिल्हाधिकारी नितीन पाटील, नगर परिषद मुख्याधिकारी महामुनी, उप अधिक्षक भुमीअभिलेख प्रसन्न भुजाडे उपस्थित होते.

यावेळी तहसील कार्यालया संदर्भात आपन दिलेल्या पत्रानुसार पुलगाव येथे अपर तहसिलदार कार्यालय सुरु करणेबाबत कार्यवाही सुरु केली असुन महाराष्ट्र शासन महसुल व वनविभाग यांचे शासन निर्णय २० सप्टेंबर २०१९ अपर तहसिलदार कार्यालय स्थापन करणेबाबत मंजुरी, जिल्हाधिकारी कार्यालय वर्धा यांचे पत्र ०३ सप्टेंबर २०२० नुसार अपर तहसिलदार कार्यालय येथे एकुण ७ पदास मंजुरी मिळालेली आहे, महाराष्ट्र शासन राजपत्रात अपर तहसिलदार कार्यालय कार्यक्षेत्रातील १३ नोव्हेंबर २०२२ ला गावांची यादी प्रसिद्ध करण्यात आली असुन प्रधान महालेखागार कार्यालय नागपुर यांचे पत्र १५ फेब्रुवारी २०२३ प्राधिकृत बाबत मंजुर मिळालेली आहे. आहरण व संवितरण क्रमांक बाबत संचालक लेखा व कोषागारे मुंबई यांना व्दसपदम प्रस्ताव २९ मार्च २०२३ रोजी पाठविण्यात आलेले असुन अपर तहसिलदार पुलगाव या पदाचा अतिरिक्त पदभार तहसिलदार देवळी यांच्याकडे देण्यात आलेला असुन तहसील कार्यालयाचा प्रश्न मार्गी लागणार असल्याची माहिती जिल्हाधिकारी यांनी यावेळी दिली, तसेच ग्रामपंचायतीने सीमारेषेचे सीमांकन करण्याची प्रक्रिया पुर्ण झाली असुन २००० यार्ड च्या गावांतर्गत असलेल्या सर्वे नंबर नोंद करण्यात आलेली आहे. यामध्ये कुठल्याही प्रकारचे भुमीअधिग्रह करण्यात आलेले नाही, शेवटचा टप्पा म्हणजे संबधीत झालेल्या प्रक्रियेचा अंतिम आदेश लवकरच काढण्यात येणार असल्याचे यावेळी उपस्थित अधिकारी वर्गांनी सांगीतले.