महत्वाच्या बातम्या

 वरोरा : रेल्वे लाईनचा वायर तुटल्याने सर्व गाड्या लेट, मोठा अपघात टळला


- नवी दिल्ली चेन्नई मार्गावरील अनेक ट्रेन लेट 

विदर्भ न्यूज एक्सप्रेस 

प्रतिनिधी / वरोरा : चेन्नई रेल्वे मार्गावरील वरोरा नजीक एक ट्रेन दुपारी तीनच्या सुमारास जात असताना तिच्या इंजिनवरील हुक इलेक्ट्रिक लाईनला अडकल्याने तार तुटले आणि त्या मागून येणाऱ्या सर्व गाड्या लेट झाल्या.

माहितीनुसार मंगळवारला दुपारी तीनच्या दरम्यान पटना एक्सप्रेस ही डाऊनलाईनने जात असताना वरोरा नजीक बोर्डा रेल्वे पुलाजवळ इंजिनच्या वरच्या हुकने इलेक्ट्रिक वायर तुटले. व पटना एक्सप्रेस पुढे निघून गेल्यानंतर सदर घटना तात्काळ वरोरा कंट्रोल रूमला कळविण्यात आली, आणि डाऊन लाईन वरील दानापुर सिकंदराबाद (१२७९२), अहमदाबाद-चेन्नई एक्सप्रेस (१२६५५), नवजीवन एक्सप्रेस, तामिळनाडू एक्सप्रेस, दुरांतो एक्सप्रेस यासह सर्व गाड्या एकापाठोपाठ एक वरोरा रेल्वे स्टेशनवर जवळपास तीन तास थांबून होत्या.

सदर माहिती वर्धा येथील वरिष्ठ विभागीय अभियंता कार्यालयाला देण्यात आली आणि आर.एन. चौधरी यांच्या नेतृत्वात एक चमू तात्काळ सदर इलेक्ट्रिक लाईन दुरुस्त करण्याकरिता वरोरा येथे दाखल झाले. दुरुस्तीचे काम चालू होते, त्यामुळे सर्व रेल्वे गाड्या उशिराने धावल्या.

सदर संदर्भात नागपूर येथील डीसीएम चंद्रकांत पगारे यांच्याशी संपर्क केला असता ते म्हणाले की, रेल्वे लाईन मधील इलेक्ट्रिक वायर मध्ये काही तांत्रिक बिघाड झाला आणि त्यामुळे वायर तुटले. याचा परिणाम मागावून येणाऱ्या सर्व डाऊनलाईन गाड्यांवर झाला आणि सर्व गाड्या या उशिराने धावल्या. ही अडचण दूर करता यावी, म्हणून डाऊन लाईनच्या गाड्या अपलाइनने काढणे सुरू असून यामध्ये अपलाइनच्या गाड्यांना सुद्धा उशीर होण्याची शक्यता त्यांनी वर्तविले.





  Print






News - Chandrapur




Related Photos